الـفــاخـتــه

بسم الله الرحمن الرحيم

والسلام عليكم ورحمة الله وبركاته .. اخواني الأعزاء تقبلوا مني هذه القصيده عسى ان تنال رضاكم واعجابكم ودمتم بكل ود

اِبداعي الحب مدري دافع الغيره = نظرتك هذي تراها حيل تفجعني
ما جيت ديره ولا غادرة من ديره = الا وصوتك ليا قفيت يتبعني
الحلم كايد وصعب اليوم تفسيره = زرعة شجره ولكن كيف تزرعني
اسقيتها الدم يوم الما نضبت بيره = واعطتني الهم يوم الوقت صارعني
يا فاخته يا لميمه فكي السيره = وقصي شريط الفرح يوم الأسا معني
اسرفت بالحب حتى حد تبذيره = يا لملميني يا قولي قرب اجمعني
تناثر الشوق وانكر سابق الجيره = ودقة خفوقي على طاريك تِفزعني
يا فاخته ذا مدى حبك وتأثيره = الكلمه الي تجيني منك تقنعني
لا تاخذيني مع الأيام تصبيره = فدوة عيونك ترى صدك يروعني
وان كان تبغي فراقي يالله الخيره = يا كم من مرةٍ قلبي يضيعني
والله لقلك فمان الله وتدبيره = بس اقطعي كل موروثٍ يلوعني
يكفي من صويحبي لبدى معاذيره = وقبل الموادع كتب عذره وودعني
ومن صد واقفى وفعله غاب تبريره = من دون لاسمع معاذيره ويسمعني
ورماني ابدايرة ظلمه وتدميره = حتى ولو جيت اله ماهو بنافعني
يضحك لا جيته ويزعل لا فضا زيره = وليا لقي فرصةٍ للغدر يلسعني
وطبع المعلم ليا ضاعة طباشيره = نادى المشاغب وقله لا تطالعني
افتح يدينك واخذ لك ضربه اصغيره = وضربتة توجع وضرب الخِل يوجعني

سامي الرقيب

الله الله عليك يااسامي
صح لساانك واعتلى شانك
ومن طول الغيبات جاب الغناايم
حياك الله بعد هالغيبه والحمدالله عالسلامه
.
بجد قصيده روووعه عجبتني ^^..
بس سؤال شنو يعني الفاخته ؟؟!! .. ^^
,
عساك عالقوه
تحيتي

حياك ياسامي

ومن جاب ماغاب

وصح صح لسانك ماتحتاج تقويم

مركزك فوق لا عدمتك تقبل مروري وتقديري

الله كلمات فى غاية الروعه

تسلم اناملك على كتابتها

سلمت
أحاسيسك المرهفة العذبة
ومشاعرك النبيلة الصادقة
استطعت ترجمتها بحرفك
فأتت سلسبيلاً عذباً
نعمنا بعبق جمال روحك ودفء مشاعرك
تجلت روعتك زاهية
دمت بهناء
لك الود موصولاً

سامى الرقيب

نص رااائع من شاعر متمكن

فالله درك

صح أللسانك ياسامي
تقبل تحياتي

صح لسانك يـ الشاعر

ولاهنت على هـ العذبه..أبدعت أبدعت

لك التقدير طال عمرك’,,