وربي فوق روس الشوك لخلي القلب يمشيلك

وربي فوق روس الشوك لخلي القلب يمشيلك

/
\



تجيني طيف ياعمري على جنحان شوقي لك
أخاف أرمش من عيوني وأبعثر جية وصالك

حبيبي لا تجيني قول وين أنت وأنا أجيلك
أبيك تقول وين أنت وعلى عيوني أنا اسعى لك

وربي فوق روس الشوك لخلي القلب يمشيلك
وأخلي ظلالي يسبقني قبل يحضني منزالك

ثواني بس أبي أتهندم من عيونك وأبي أهديلك
في عينك ضحكة ٍ حتى تكحل عين عذالك

يقولو الناس بغيابي تشب القلب ويضويلك
حنيني..من وهج شوقه يميل القلب لامالك

قضى دمعي من عيوني أبي من عينك أبكيلك
أبنثر من ورى عيوني دموع عيون ترحالك

تعبت أهرب من الأشيا البسيطه من تفاصيلك
تعبت أسأل زوايا البيت عن أول وأخر أحوالك

وحتى الشوق من صبح الدرايش قام يهديلك
عصافير الرضى ترفرف على بيبان مدخالك

هنا ترمي صباح الخير قبل لاتروح وأدعيلك
وهنا تضوي مساء الخير في عيني من هلالك

أنا من الليل يقطفني شعوري لك وأغنيلك
أنا من الصبح يليلني الحزن زمن لون موالك

حرام الليل ماهو ليل أذا ماكنت في ليلك
وحرام الصبح ماهو صبح اذا ماكنت بظلالك

تروح وقلت أحط روحي على كفي وأناديلك
نزعت العمر من شفت الغلا بالروح نادالك

بربك قول وش سوى الفراق بوجه منديلك
تسيل ألوان طيفي فيه ألا من البكا سالك

حبيبي لا يبكيك الفراق ولا يهد حيلك
أخاف الدمع من عينك يجفف صورتي بالك

تعال أحتاج اسولفلك عن الأيام وأشكيلك
وأفض غيم الحزن وأنثر حنين الشوق بقبالك

تعال حط في قلبي هموم الفرقى وأشيلك
لأن القلب ماهو قلب أذا في نبضه ماشالك

وقف دمعي من ذعيوني أبي من عينك أبكيلك
أخاف أبكي من عيوني وأبعثر جية وصالك





/
\

مما راق لي
لهووووفة

لهفة شوق

لقد اختررتي واجزلتي في الاختيار

سلمتي ودمتي وصح لسانك ولسان شاعرها

مروري وكل التقدير

لهفة الشوق

سلمتي على انتقائك وذوقك

يعطيك العافية



.
.
.


أختكـ الخياله

ابن البادية والخيالة تشكراتي القلبية على مروركم العطر

دمتم كما تهوى انفسكم

تجيني طيف ياعمري على جنحان شوقي لك
أخاف أرمش من عيوني وأبعثر جية وصالك




الله صح لسانج وشاعرهاا
ولاهنتي على القصيده الرووعه يالغلااا
مودتي

نورتي يالغلا الصفحة

دمتي خيتووو بخير