البارحة يوم الخلايق غواريق

بسم الله الرحمن الرحيم

السلام عليكم ورحمة الله وبركاته

ناقل لكم قصيدة لشاعر /عبدالله الطلحي
ارجوا ان تنال اعجابكم

البارحه يـوم الخلايـق غواريـق=في نومها والليـل بآخـر هزيعـه
سرق منامي من عيوني سواريـق=وهمٍ لجا فـي القلـب مايستطيعـه
أغيب فـي غيبوبـة الهـم وافيـق=والهم غـلاب القلـوب الشجيعـه
واصبّر الخاطر على قدر مااطيـق=واقول خل الهم مـن سـد ريعـه
ياساك ماياسا الرجـال المطاليـق=عانوا مع الأيـام مكـر وخديعـه
كـلٍ بهمّـه والضمايـر صناديـق=مقـفّـلات وسـرهـا ماتذيـعـه
لوشفتهم في ساعة الهـم والضيـق=تعرف تواصيف النفـوس الرفيعـه
بين الضلـوع الحانيـه والمعاليـق=تلقى مداهيـل الصـدور الوسيعـه
والصبر طيّب والمراجـل توافيـق=إصبر ولو ماطاعك الوقت طيعـه
دنياك ماتعـرف عهـود ومواثيـق=من يومها والغـدر فيهـا طبيعـه
كثرت عليك من الزمان التصافيـق=وإحترت مابين الخطوط السريعـه
ضاعت سنينك مثل صرف التفاريق=واقبل خريف العمر واقفـا ربيعـه
مدري متى تروى ويبتلّ لك ريـق=يامدوّر الماء فـي سـرابٍ بقيعـه
عنّز على فتـاح عسـر المغاليـق=اللي ضمن رزق الخلايق جميعـه
يغني بفضله عن جميـع المخاليـق=ومن باعنا بالرخص بارخص نبيعه
عزّلت من صحبة نفـاقٍ وتلفيـق=صحبة مذله خيـر منهـا القطيعـه
شفي بمطلاع الجبـال الشواهيـق=في ديرةٍ فيهـا الجـوازي رتيعـه
امشي خفا في غفلة الصيد واويـق=وارمي طلايـع جولهـا بالطليعـه
وارتاح في ظل الغصون المواريق=اخير من ظـل القصـور المنيعـه
واختار طاروقٍ من احلى الطواريق=ابدع عليه مـن البيـوت البديعـه
احلى من الشهد المصفى ليا ذيـق=حلو الطعم طب الكبـود الوجيعـه
لولاي يدفعنـي للأجـواد تشويـق=اهل الصلاح محكميـن الشريعـه
لاأحط دون الناس بُعد المطاريـق=واعدها مـن بـاب سـد الذريعـه

وسلامتكم

أخوي

سلمت على نقلك الرااائع

يعطيك العافية


[[ حورية رواسي ]]

السلام عليكم ورحمة الله وبركاته
الله يعطيك العافيه على النقل الجميل

تقبل تحياتي

هزاع الروقي
تسلم والله هاليمين اللي ماتجيب غير الدسم
لكل شاعر رائع وعذب
دمتولاهنت ياهزاع
وصح لسان عبدالله وين ماكان