تقول انا معجبه واقول طر جيبي .. ياجعل ابو اللي عطاها رقمي الجنه

للشاعر المبـــــدع / حمدان المري ~



/



/



ياالله مسا خير وش ذا الرقم يبغي بي
نوبٍ يطول ونوبٍ يتصل رنــه

الو الو قلت الو والشوق صاحي بي
ومن يوم قالت الو جيتك على السنه

تقول انا معجبه واقول طر جيبي
ياجعل ابو اللي عطاها رقمي الجنه

كن صوتها يوم مر اذني يغني بي
وصار لصدى صوتها في قامتي حنه

من فوق راسي لين أسفل عراقيبي
كلشن على طور وجهه يردف الونه

قالت بسكر قبل ما الناس تدري بي
احراج والا بعضهم ما علي منه

وقدام لا تنتبه لا اتفه عذاريبي
اللي على خاطرك مااحدٍ درى عنه

ثم اضحكت ضحكةٍ تقبل وتقفي بي
خلت خلايا مخيخ الراس منجنه

وقالت ابي منك تحقق مطاليبي
ابغي جديدك قبل ماالناس يقرنه

وسمَعتها واعجبتها وقلت .. ياشيبي
انا بعد معجبٍ والنفس ممتنه

ودعت ولبيت وقالت لي ياطر جيبي
ياجعل ابو اللي عطاني رقمك الجنه



/


/

تسلمين غنادي على النقل المميز

وص لسان شاعرها ولساانك وكلك لين ترضين

كن صوتها يوم مر اذني يغني بي=وصار لصدى صوتها في قامتي حنه

من فوق راسي يالين أسفل عراقيبي=كلشن على طور وجهه يردف الونه

قالت بسكر قبل ما الناس تدري بي=احراج والا بعضهم ما علي منه

غنادير .. سلمتي على النقل الراااااااااااااااائع ..


وحمدان المري شاعر رااااااااائع ومبدع .. يعجبني اسلوبه في كتابة القصيده

ولكن تمنيت لو انه غير الشطر الثاني من البيت التالي :


وقالت ابي منك تحقق مطاليبي = ابغي جديدك قبل ماالناس يقرنه <<الناس يقرّنه المفروض الناس يقرونه لكن جبرته القافيه وتمنيت انه غير كلمة الناس لكي لاتؤثر على جزالة القصيدهـ ..


وهو مبدع مبدع مبدع

........


تقبلي مروري ..مع أجمل شعوري..

صح لسان شاعرها
وسلمت يدين ناقلها

نقل رائع

بذوق عــالي

تسلم الايادي

سلمت اناملك المبدعه غندوره ولكي جزيل الشكر على القصيده الرائعه بحق

اقتباس:

المشاركة الأصلية كتبت بواسطة محمد الروقي

تسلمين غنادي على النقل المميز

وص لسان شاعرها ولساانك وكلك لين ترضين

الله يسلمك ويعافيك ..
صح بدنك ..
نورتـ

اقتباس:

المشاركة الأصلية كتبت بواسطة الصيرمي

كن صوتها يوم مر اذني يغني بي=وصار لصدى صوتها في قامتي حنه

من فوق راسي يالين أسفل عراقيبي=كلشن على طور وجهه يردف الونه

قالت بسكر قبل ما الناس تدري بي=احراج والا بعضهم ما علي منه

غنادير .. سلمتي على النقل الراااااااااااااااائع ..


وحمدان المري شاعر رااااااااائع ومبدع .. يعجبني اسلوبه في كتابة القصيده

ولكن تمنيت لو انه غير الشطر الثاني من البيت التالي :


وقالت ابي منك تحقق مطاليبي = ابغي جديدك قبل ماالناس يقرنه <<الناس يقرّنه المفروض الناس يقرونه لكن جبرته القافيه وتمنيت انه غير كلمة الناس لكي لاتؤثر على جزالة القصيدهـ ..


وهو مبدع مبدع مبدع

........


تقبلي مروري ..مع أجمل شعوري..

مشكوور على المرور الرائع
والله يعطيك العافيه
نورت