تعريف الطيب

أحبتي الرواسيون والرواسيات

صباحكم/مساؤكم خير ، وشعر ، وعطر ، وحب
أعتذر منكم أيها الأحبة لانـقطاعي خلال الفترة الماضية بسبب بعض المشاغل والظروف ، ويسرني أن أصافح أعينكم وقلوبكم بهذه المتواضعة التي نظمتها في مدح أحد الرجال القلائل في هذا الزمن الذين تُقضى على أيديهم حاجات الناس ، فقد أتينا هذا الرجل في موضوع يخص أحد أقاربي فلم يتوانى ولم يتأخر بفزعته التي لا تستغرب منه ومن أمثاله ، إنه الشيخ/مشعل بن محمد بن صقر العطاوي العتيبي ، وقد جاءت هذه القصيدة شكرا لموقفه وثناء عليه ، فمن لايشكر الناس لا يشكر الله.



(يامن بغيت لمنطق الطيب تعريف .. الطيب هو: مشعل مْحَمْدِ العطاوي)

أبدأ بذكر مصرّف الكون تصريف=ربٍ على عرشه عزيزٍ علاوي
وأثني تراحيبي من السيف للسيف=باللي على العليا شفوقٍ شفاوي
يا مرحبا يا مكرم الجار والضيف=يا مشعل بن محمد بن العطاوي
حرٍ تسلسل من حرارٍ شواحيف=من روس ربعٍ يبعدون الهقاوي
من راس منهو يرتكي للعواصيف=حرٍ شهر من وكر حرٍ نداوي
نسل الكرام اللي تغيث الملاهيف=له موقفٍ ياصل صداه الصداوي
وله فزعةٍ تطلق سراح المواقيف=وله وقفةٍ ترهي رجاوي الرجاوي
عز الرفيق وعز من يشكي الحيف=وعز الضعيف إن كبرت أم البلاوي
كم واحدٍ دنياه ما جت على الكيف=ويومه نصاه الصعب عاد متهاوي
وكم واحدٍ كثرت عليه الأراجيف=وضاقت به الدنيا وهو حيل ثاوي
ويومه وصل مشعل تلاشت مع الزيف=وأمسى على العليا كثير الرهاوي
وكم واحدٍ حدّوه بعض الملاقيف=منّا ومنّا ولا له إلاّ المناوي
ويوم ارتكى له والركايب مواجيف=ضاعت علوم أهل الحِيَل والدعاوي
قال: احتزم بي للثنادي وأنا آقيف=والله ولو طالت عليّ الخطاوي
لأجيك بعد العيد من غير تكليف=وأقطع حبال أهل العلوم الدناوي
بالجاه وإلاّ المال مامن تخاليف=أبشر بما يرضيك وإبليس غاوي
ووالله لو زادت عليّ التكاليف=ما عنك صدّة لين أردّ الشواوي
وجانا ولا قصّر زبون المعاريف=أنهى الأمور اللي لها الذيب عاوي
أنا أشهد إنه فاق كل التواصيف=لكل الأمور الطيبة حيل قاوي
تنشر له البيضاء بروس المشاريف=على الجهات الأربعة بالتساوي
ويامن بغيت لمنطق الطيب تعريف=الطيب هو: مشعل مْحَمْدِ العطاوي
ربي خلقه ولا تقولون لي كيف=مابين مكسر عنبر وعود جاوي
متميّزٍ عن كل نقّالة السيف=بإنه على العليا شفوقٍ شفاوي
يحبها حب العشاشيق للصيف=وعن ما يشين النفس خَجْلٍ حياوي
ويا ناس لوّ أمدح من عْمان لطريف=ما أحصيت أنا فعول الكريم السخاوي

حسين السبيعي

حسين السبيعي
أولآ ياهلا ويامرحبا ملايين ملايين
وكل عام وأنت بخير يالخير
حضور لايشابهه حضور
وإيجاد لايشابهه إيجاد
في من يستحق هذه العصماء بلا شك
مشعل بن محمد العطاوي
فالمادح والممدوح بلا شك هما أهل للنعم بكل حالاته
صح كلك ياحسين وجعل السعد مايملك
ودامت هالشاعريه بكل خير وموده

صح لسانك
لاهنت تسلم يمينك

أهلاً بك وبـ أمطآرك الرآئِعه أخي الفآضِل
شآعرنآ حسين السبيعي ..
للأمآنه افتقدنآ همسِك بــهذه الأرجآء ..!

صحت يمينِك ولاحُرمنآك ..آبيآت عآطره ..
سلمت كفوف الجمآل ..

من حضر ماغاب عساك ماتغيب من شر وصح لسانك وكلك عن كل شر جزلة وطيبه ولا يستحقها الا طيب اوفيت وكفيت مروري وكل التقدير

اهلاً بعوده اوجدت الجمال

حسـين السبيعي

حروفك غنية عن الشكر و المديح

دمت بهذه الروعة المعتادة منك

و دمت أنيق الحرف

صح لسانك أخوي

ولاهنت على هالقصيده الجزله

أهلاً بالعلم وأهلاً بقافه

صح السانك وبيض الله وجهك

وفيت ووكفيت

ويستحق المدح الممدوح

لاهنت وسلمت

والحمد لله على السلامه