(( يالــــــــــــــــــيـــــــل))

ياليل ماذكر فـي حياتـي تمنيـت=مثل ابتسامه تنتشل قلـب منصـاب
مليت ورب البيت يـا ليـل مليـت=من الجروح اللي تجيني بلا اسبـاب
تدري يا ليل اني على الجرح غنيت=غنيت دمعه والصدى ضم الاهـداب
تبي الحقيقـة والصراحـه ترجيـت=فرحه ولكن الزمن بالعطـا خـاب
يا ليل قلي بدنيتـي ويـش سويـت=حتى الهموم بداخلي تفتـح ابـواب
ان كان طيبي عيب ومشكلتي اوفيت=اموت صادق وارفض اعيش كـذاب
طبعي كذا عـن ميزتـي ماتخليـت=عندي مبادئ دونها ترخص ارقـاب
(بيني وبينـك) ياكثـر ماتعنيـت=اركض بغرفه مغلقه مالهـا بـاب
غرفه وراها فرحتي دونهـا جيـت=اركانها عتمـه ولاحولـي احبـاب
كاس الفراق المـر منّـه تقهويـت=انا اشهد ان الشوق بالليـل غـلاب
ياليل انا لاشفـت ماعفـت قفيـت=اقفي ولو خلفي كثيرين الاصحـاب
ماذكر ولو مـرة بحياتـي تهنيـت=اضحك كذا والصدق عن شفتي غاب
صارت دموعي ضيف وعيوني البيت=ودايم تشوف من المناديل ترحـاب
لاشفت شمس الصبح لأيديك حنيـت=وفي داخلك حبر القلم بالشقـى ذاب
يالليل قـل للصبـح انـي تمنيـت=بس ابتسامه تنتشل قلـب منصـاب

سلمتي اميرتنا على الاختيار


مروري وكل التقدير يالغلاااا

محمد

لتواجدك طعم خاص

جزيل الشكر لمرورك الجميل

امووووووووره

شفت الحزن في الابيات والله يبعده عن كل حزين

اتمنى لك كل التوفيق

وتميزتي في الاختيار

تقبلي مروري يالغلا

آحسنتِ الإنتقآء
سلمت يُمنآك

مودتي

تلميذه الايام

تواجدك اضفى رونق الاحساس والروعه

فكن قريبه من صفحتي حتى تسعد بوجودك


طيب الود

تسلم ايدج على النقل ..
وصح لسانج ولسان شاعرها ..
مودتي



دندونه<< من هنا،، مرت

دانتيلا

يزداد شموخ ورونق صفحتي بمرورك

فـ مرورك وتشريفك يهمني