من هاجسن يبدع ليامنه حضر مايستضيق((المجنون))

السلام عليكم

أول مشاركه وتقبلوها مني

من هاجسن يبدع ليامنه حضر مايستضيق=سلام تسليمت وفى كل الكبود اتبلها
قالوا لنا بالبحر هرمز ياجماعه به مضيق=وأنا هنا بضيق الشعار وأكثر غلها

مرحبا وياهلا وغلااا

يامرحبا وهلين من طعم العسل وتبل ريق=مد اليمين اخذ الجزيله والرديه خلها
قالو لنا بالبحر يالمجنون ياكم من غريق=حول يباها ونثنت دونه حباله كلها

وتراني فتحت المجال عن الربطه وهي حرف (ض)
حتى لاتموت المحاوره في انفاسها الاولى هذا اذا سمحتلي او لي عوده

اقتباس:

المشاركة الأصلية كتبت بواسطة محمد الروقي

مرحبا وياهلا وغلااا

يامرحبا وهلين من طعم العسل وتبل ريق=مد اليمين اخذ الجزيله والرديه خلها
قالو لنا بالبحر يالمجنون ياكم من غريق=حول يباها ونثنت دونه حباله كلها

دام البقا بك والمعاني من صديق اليا صديق=جبت المضيف لين كلن داركم كد دلها
يامرهف الاحساس يابن الناس يالعرق العريق=لاجيت وسط المشكله لازم تزين حلها

مافيه شك ونت رجال تدور للطريق=احفض عيار البندقيه يوم كفك شلها
خابرك رجال كتوفك تحتمل حتى طويق=ويجذبك براق المزون الي عساها وعلها

اسمحلي

الان عندي محل تجاري ولازم اكون متواجد فيه

اقتباس:

المشاركة الأصلية كتبت بواسطة محمد الروقي

مافيه شك ونت رجال تدور للطريق=احفض عيار البندقيه يوم كفك شلها
خابرك رجال كتوفك تحتمل حتى طويق=ويجذبك براق المزون الي عساها وعلها

أنته مديرن للعصابه يوم شكلت الفريق=وأنا معاكم ياصحيبي والدروب أدلها
زدني بعد نجمه عشان أشب بالملعب حريق=وغن زدت ثنتين العرب حتى الدموع اتهلها

وصح السانك أنا حصلى شغل يالغالي ولازم اطلع

انا مدير بلا منازع وترك الدفن العميق=العاصيه ياصاحبي مهما تجور انذلها
ولع رواسي كان بك شده وقل شبت بقيق=وترك نجوم ماتروح الا لمن كفولها