عبدالله بن عون في سلامة الأمير محمد بن نايف

عبدالله بن عون في سلامة الأمير محمد بن نايف

قصيدة بمناسبة سلامة سيدي
صاحب السمو الملكي الأمير / محمد بن نايف بت عبدالعزيز
مساعد وزير الداخلية للشؤون الامنية من الأعتداء الغاشم

للشاعر الكبير / عبدالله بن نايف بن عون

ليا دير فنجـال الـدلال المباهيـر

في مجلسٍ روس الرجال احضرتْبه

يستاهل الفنجـال الأول ليـا ديـر

شيـخٍ نبيـلات المواقـف زهتْبـه

هو سيدي نايـف مكانـه وتقديـر

درْت المشاعر فيه واسترسلت بـه

النائـب الثانـي مهابـه وتكبـيـر

رحبـت بـه والمملكـه رحبتْبـه

وهجيت بـاب مسجنـات التعابيـر

للشعر والـراس الكبيـر ابتدتْبـه

باسما التهاني والفـرح والتباشيـر

ومـادار بأفكـاري وماهوجستْبـه

ازفهـا لـك ياحبيـب الجماهيـر

على سلامة مـن صفاتـك سمتْبـه

زيزوم الأمن اللي فعوله مشاهيـر

مواقفـه يــم الثـريـا رقتْـبـه

ماخاب ظنك فيه من توه إ/ضغيـر

ماجاه منك من الـدروس اثمرتْبـه

لو هو لحق هاك السنيـن المدابيـر

فـاز بلقـب خيـال مـن قربتْبـه

المملكه من حـد الأردن لخرخيـر

تحزمت بـك والأمـان إ/شعرتْبـه

يسلـم لنـا راسٍ يقـود المعاذيـر

شيخٍ على ممشاك رجلـه مشتْبـه

شيخٍ وقف للملكـه وقفـة الزيـر

ولاخاب فيه الظـن يـوم اعتزتْبـه

ضيّق على اصحاب الظلال المعابير

اللـي تبنـت منهـجٍ مـا افلحتْبـه

شرذمةٍ تخلـف ضعـاف التفاكيـر

كـم جاهـلٍ بأفكارهـا غررتْـبـه

ترسم له الخطه على غيـر تبريـر

هو ماسلم منها وهي مـا اعتنتْبـه

ياللي زرعت زراعةٍ نوعها غيـر

اقطف ثمر محصولها اللـي نبتْبـه

عقب افتدتبك دون ستـر الغناديـر

اللي تبي تذبـح بـه النـاس متْبـه

وألا ولد نايـف طويـل الأشابيـر

نيّـه عـدو الديـن عنـه إ/قرتْبـه

وانجاه ربي من جميـع العواثيـر

والنيّـه البيضـاء علـى مانوتْبـه

سلمت يابحر الشوق طيب ولا جبت الا كل طيب شكري وتقديري على الاختيار الذي يدل على الذوق الرفيع

مشكور اخوي محمد لاهنت على المرور



دمت بخير

.. بحر الشوق ..


لك كل الشكر على متقدم .. وابن عون ..شاعر جزل .. وكل قصيدهـ ممتع ..


تقبل مروري ..وسجل اعجابي ..

اقتباس:

المشاركة الأصلية كتبت بواسطة الصيرمي

.. بحر الشوق ..


لك كل الشكر على متقدم .. وابن عون ..شاعر جزل .. وكل قصيدهـ ممتع ..


تقبل مروري ..وسجل اعجابي ..

مشكور اخوي الصيرمي على المرور




تحيتي

بحر الشوق
سلمتـ كفيّك أخي
علىآ طرحِك الرآئِع ..

تحيتي