آخر 10 مشاركات |
|
نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
انشر الموضوع |
|
أدوات الموضوع | انواع عرض الموضوع |
16-08-2009, 06:02 PM | #1 |
عضوة روآسي نجد
|
قال الجباري يوم سنن سنينها = النفس لا ضاقت ترى الله عوينها
بسم الله الرحمن الرحيم
هذا اول موضوع لي اتمنى انه يحوز على رضاكم :) هذه القصيدة لشاعر المتآلق عبدالكريم الجباري الغريري....في رثاء لي والدة (رحمة الله) فا يقول::: قال الجباري يوم سنن سنينها = النفس لا ضاقت ترى الله عوينها يا كم ضيقه تبتلينا و تنفرج = تروح ما كنه أبد عايشينها و أنا فقدت أغلى بشر يا جماعتي = و ما ألوم نفسي لو تزايد ونينها أبوي ذخري يا عسى الله يرحمه = و يجبر عزى نفسن تقطع حنينها يالله عفوك و أرفق بروح والدي = أنت الرحيم و رحمتك خابرينها يالله تجعل قبر عيني و مهجتي = روضة رضا دايم تزاهى بزينها و تجعل مكانه بين عمرن و أبا بكر = في جنتن ما مللت ناظرينها فارقت و الفرقا صعيبه و كايده = و عجزت لا أنسى يومها و شهرينها كل ما أبي أنسى ذكرتني سوالفه = ياليتنا لو كلنا حافظينها دايم يوصيني على الطيب و الكرم = وصى شمالي لا تناظر يمينها وصى على الخوه و وصى على الرحم = و قال الصداقه زرعتن زارعينها أن كانها فأرضن خصيبه و طيبه = و الله ما ينسالك الماي طينها و أن كانها بقاعن مثل تربة الصبخ = كثر السقي ما هو مبين بعينها و لا جالك الطرقي تخير كرامته = لابد تدسم شاربه من سمينها و لا تآمن الدنيا كفى الله شرها = كم واحدن روح و طاح بكمينها و السد حطه داخل الصدر و أقفله = و أفرق بعقلك خبلها من فطينها و لا صرت في عازه تصبر على الدهر = و النفس دايم عزها لا تهينها و أعرف ترى ثقل الرجل في ركادته = و أختار من بعض السوالف حسينها و ترى الجماعه عزوتك لا تهدهم = خل المواصل دوم بينك و بينها لا طحت تلقاهم دروعك و محزمك = يذريك عن سود الليالي حصينها و أنا أبحفظ و ألتزم في وصيته = و الله لأبقى طول عمري رهينها الله يرحم تاج راسي برحمته = و يجبر عزى نفسن تقطع حنينها |
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وقفه مع صحابي الحلقه الثانية | فاتن القحطاني | المنبر | 5 | 22-08-2011 09:04 PM |
بر الــــــــــــــــوالدين ,,,, | نسيت أنسآك | المنبر | 6 | 08-06-2011 11:03 AM |
بر الوالدين بصور مختلفة <<<<<< بالصوووور | لهفة شوق | المنبر | 7 | 30-12-2009 05:53 AM |
سنن ثابته عن الرسول الكريم صلى الله عليه وسلم | الراسيه | المنبر | 14 | 05-10-2009 09:23 AM |
رسالة........... إلى الأرهابيين | السهم القاتل | رواسي المواضيع العامه | 3 | 24-02-2009 08:33 AM |