ودّي آخر شي أشوفك . . و ( أنعمي ) !

صباح / مساء ـــكم شعر ..




.
.






في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّـك } - تفكّكْه لْـ حمي !

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي !

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي) !



/
\
/


من روآئـع / أحمد الصانع ..!

مشكورة ملاك البحرين على النقل الطيب وصح قلبك وكلك عن كل شر وصح لسان شاعرناااا احمد الصانع

اقتباس:

المشاركة الأصلية كتبت بواسطة محمد الروقي

مشكورة ملاك البحرين على النقل الطيب وصح قلبك وكلك عن كل شر وصح لسان شاعرناااا احمد الصانع

اهلين فيك يالروقي
سعيده لـ هذا التوآصل الجميل

تحيتي

صح لسانه
وصحة الذائقة ملوكتي


ولاحُرمنا هذه الألق

اقتباس:

المشاركة الأصلية كتبت بواسطة ..سهوم الغدر..

صح لسانه
وصحة الذائقة ملوكتي


ولاحُرمنا هذه الألق

نــورتـِ خيّه
توآأجدك يُشرفني

لاعدمتِك

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

اجتهاد موفق
وذاتقه ادبيه

دمتي بود

اقتباس:

المشاركة الأصلية كتبت بواسطة عبدالرحمن الجميعي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

اجتهاد موفق
وذاتقه ادبيه

دمتي بود

رآآآآقني حضورك المشرف

تحيتي