الى النقيب هادي الدوسري ؟؟؟

بسم الله الرحمن الرحيم
السلام عليكم ورحمة الله وبركاته
اخواني اهل المنتدا اداره واعضاء وزوار
المنتدى منتدى الجميع وبما ان المنتدى الراعي الرسمي والاول لنقل قصايدي
احب ان انقل وارسل قصيدتي المتواضعه الى قائد سرية القياده فالكتيبه الاولى من لواء الامام تركي الرابع عشر
النقيب هادي الدوسري وماله الا بياض الوجه هو وكل راعي جميل وطيب
لا احب ان اطيل لاكن لكم هذه المتواضعه امل ان تنال اعجاب من ارسلت له وللجميع ...

سلام ياذيب قنب بالطيب والراي السديد = والذيب لامنه حضر كلن تهقوا فيه طيب
جا للقياده ذيب من ذخر الذيابه سيد سيد = اللي علومه غانمه والذيب كلن قال ذيب
رتبت نقيب ويعلم الله فوق ترتيب العقيد = بافعاله اللي كلنا نشهد لها ماجاب ريب
هادي زبون المرجله فالمرجله ماحط قيد = ذخر الدواسر عربوه بدلهم واصله عريب
شاعر ولي حكمه وما قللت في حق القصيد = ترا القصيده تعتزي فالطيبين ولاتخيب
وترا القصيده كنز مايحمله ياكود الزهيد = والكنز من كف الكريم اليا الكريم احلا نصيب
جيتك وانا كلي فخر خوه ولا جيتك ضديد = ولا اطمع وراك الا الوفا هقوت وفا والعيب عيب
ماني بمن شاف الوفي واصبح على الوافي صديد = الحق اقوله في لساني لاثقيل ولاصعيب
مدح الوفي عندي ترا يمشي بدمي بالوريد = وترا الخساره مدحت اللي مايودي ولايجيب
وصلات ربي عد مابالكون من شين وجيد = على نبين ياعسا يشفعلنا عند الحسيب

وسلامتكم

عندما يكون الشعر متميز يكون أنت أهله
ولكميـة رذاذ البياض المتناثر هنا
كل التقدير

صح لسانك ملايين أخوي
ودامك كتبت فيه أكيد يستاهل قائد السرية

صح لسانك غازي ولا هي غريبه منك وهو يستاهل وبيض الله وجهك تقديري

صح لـ سآنك إخوي غآزي العتيبي
,,ولله درك ,,

تحيتي

غازي العتيبي
شاعر جزل لايخرج منه سوى الرائع
فأنت القادر والنقيب هادي المستحق للنعم
صح كلك ياغازي وجعل السعد مايملك
ودام هالوجود بكل خير وموده

الى كل من نور المتصفح بمروره
محمد الروقي - محمد القسامي - السيف عمهوج
سهوم الغدر - ملاك البحرين -بدر البدور
صح كلكم ولاهنتم على المرور المشرف
تحياتي للجميع

أحسنت أخي العزيز/غازي العتيبي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

كلمات رائعه

صح لسانكــ