حلفت قبل اسنين مكتب ولا بيت !!

هذي قصيدة من الارشيف ولها قصة !!

وهي ان احد الاخوان عتب علي ليه اسجل في المنتديات الادبية بإسم مستعار
والرجال ارسل لي بيتين ويقول

أطلع تبين ليه عنا تخفيت
..........................انا ادري أن قلبك مثل قلب صدام
حرام شخص ن مثلكم يفتل البيت
.........................يقعد ضحيه بين صافي وعزام

طبعا "صافي الود" و "عزام" اسماء مستعاره لي قديم ن :)

مالكم في الطويله رديت عليه بقصيدة عسى ان تحوز على رضاكم واستحسانك

يا ناشد ن عني عسى ما تعنيت=بعطيك موجز عن حياتي وملام
انا العليل الي عن الشعر صديت=مليت من نظمه ومليت الاوهام
مليت من لعب الطواريق مليت=مليت شوف البوك مليت الاقلام
حلفت قبل اسنين مكتب ولا بيت=واليوم دار الحول ما جاني ألهام
ياما على المسحوب بالصوت جريت=وياما على المنكوس رزيت الاعلام
وياما بصوتي للهجيني تغنيت=وياما على البحر الطويل أنصب خيام
كتبت لي ديوان باسمه تسميت=الاسم خالد واللقب صار عزام
ما قد قراء الديوان حتى هل البيت=ما بين عيني والورق خط الابهام
على حساب الشعر ما قد تمنيت=ماداني الشهره ولا حب الاعلام
أدله مع العالم وأضني تسليت=وأضحك وانا خاشرت بالحزن الإيتام
تدري وش المقصود ياعالي الصيت=يقولها اللي قد تولته الاحلام
قفيت عن طرد الرعابيب قفيت=سكر على قلبي يقيني بالاسلام
اليا شلع بصوت مضحي توضيت=وسجيت للمسجد مع الذكر الاقدام
ورميت همي خلف ظهري وصليت=فرض ن كتبه الله على كل الانام
عرفتني ولا لهألحين موحيت؟=أنا فقيد الشعر من ذخر غنام

اليا شلع بصوت مضحـي توضيـت=وسجيت للمسجد مع الذكر الاقـدام
ورميت همي خلف ظهري وصليـت=فرض ن كتبه الله على كـل الانـام


الله يصح لسانك يالشاعر

ولاهنت على هالشامخه

لك التقدير طال عمرك’,,

ابو عزام خايف احد ياخذ رقمي ولا كان ارقمك الان بس اسمع مرني فالبيت ابي اعطيك الرقم هههههههه صح لساااااااانك الى راضاك جزله ووافيه ولا هي غريبه ياخالد الغنامي

إقتباس:
المشاركة الأصلية كتبت بواسطة شاعرة نجد
اليا شلع بصوت مضحـي توضيـت=وسجيت للمسجد مع الذكر الاقـدام
ورميت همي خلف ظهري وصليـت=فرض ن كتبه الله على كـل الانـام


الله يصح لسانك يالشاعر

ولاهنت على هالشامخه

لك التقدير طال عمرك’,,



شاعر نجد

صح بدنك طال عمرك

ومشكور على مرورك العطر


تقديري واحترامي

إقتباس:
المشاركة الأصلية كتبت بواسطة محمد الروقي

ابو عزام خايف احد ياخذ رقمي ولا كان ارقمك الان بس اسمع مرني فالبيت ابي اعطيك الرقم هههههههه صح لساااااااانك الى راضاك جزله ووافيه ولا هي غريبه ياخالد الغنامي

هههههههههههه

العود صح بدنك يا سنائدي

واثر مالك حيله في التنسيق عجزت انسق القصيدة زين :)

على العمود مشكور على حسن المرور


مودتي واحترامي

صح لسااااااااااااااااااااانك مــدى الحيـــاه


فديتك وفديت هالجزله

تقديري ياخالد

أخــوك.

أحسنت أخي العزيز/خالد الغنامي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

أطلع تبين ليه عنا تخفيت = انا ادري أن قلبك مثل قلب صدام
حرام شخص ن مثلكم يفتل البيت = يقعد ضحيه بين صافي وعزام

وهو صادق ياخالد

من الضلم الكتابة بأسم مستعار لموهبة شعريه فذه

والأجمل هو الرد بهذه الرائعه والشامخه
وصح كلك وجعل السعد مايملك

ودام هالوجود يابو عزام بكل خير وموده

ونتمنى نشوف جديد خالد بأذن الله حصري لرواسي نجد