" هموم البين " !

يا مزون(ن) يبرقن ويرعدن=فتقن فينا جروح باريات
ذكرن القلب بايام(ن) مضن=وهيضني لديار معسول الشفات
بو عيون(ن) سود إليا سلهمن=تنسي راعي الدين دينه والصلات
له جديل(ن) منه الأرداف أشتكن=فيه خنه من عطور(ن) زاكيات
أورد الخدين مضمور البطن=له نهود(ن) توهن مبينات
لا من إللي بطولهن يعذربن=ولا من إللي بقصرهن معيبات
ما شافت عيوني مثيله بالحسن=لا . ولا . في زين دله شايفات
ويا مزون(ن) يمّ محبوبي سرن=عساكن بخير ربي جايدات
لديرة(ن) فعل الطيب فيها فن=ديرة الماجوب وأهل الغانمات
في ليالي الخير عطاهم ما يمن=ما تشح إيدينهم بالغاليات
وفي ليال الشر شياطين(ن) وجن=ما يهابون الصعب والكايدات
صديقهم عينيه بالنوم أهتنن=وآمنن جور اليالي المقبلات
وعدوانهم من كل مر(ن) إشربن=روسهم برقابها متحانيات
ويا هلّي عيوني عن النوم إعزفن=يسهرن الليل كله باكيات
من هواجيس(ن) علي ترددن=من تردادها عظامي ناحلات
من هواجيس(ن) إلى منهن طرن=تستوي عندي حياتي بالممات
من هواجيس(ن) ماهن يرحمن=إحرمن جفون عينيا المبات
من هواجيس(ن) إلى جني أجن=إجعلن أفكار عقلي تايهات
ويا هموم البين وش هو مرادكن ؟=من جروح(ن) بالحنايا نازلات
ساقهن دموع عيني يذرفن=مرويات أوجانها متناثرات
وكل ما أسلى عنهن يعودن=وينبشن أحزان قلب خافيات
( قلب ) ياللي صار ملفى للحزن= والهموم إللي لها بصدري نبات
باسباب من قلبي فيه أنفتن=وصار حكمي ملكهم بامر ثبات
أنتظرت أخبار خلّي وطولن=ويا عساها محريه بالغانمات
عاداتهن ينفرن ما يجمعن=ويقطعن حبال قرب(ن) موصلات
وكل مافز قلبي يمهن ثم حن=وأنتحى لديار مجمول الصفات
عودن في كسحتي يغطرفن=شاديات لحونهن ومنشدات
بطيور ياللي هذا هو علمي بكن=ومالكن عن وجعتي ظني غنات

سطام الشمري

اخوي المبدع :
الشاعر /سطام الشمري
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

أخي العزيز/سطام الشمري

تحية طيبة ، وبعد:
أولا: كن مطمئنا فالموضوع هنا لن يراه إلا أنت والمشرفون فقط ، أما بقية الأعضاء فلا يمكنهم رؤيته.
ثانيا: ليس هناك أحد فوق النـقد مهما كانت مكانته أو خبرته أو تجربته وشاعريته ، كما أننا جميعا من النـقد نستفيد ونتعلم.
ثالثا: يعلم الله أني أحبك أخي العزيز ، وقد أشدت بك كثيرا في قصائدك السابقة ، ولكنني أحب الشعر أكثر حتى من نـفسي ، لذلك سأتحاور معك هنا لأقنعك بوجهة نظري أو تـقنعني بأنني على خطأ. ولك ألف تحية.

اقتباس:

المشاركة الأصلية كتبت بواسطة سطام الشمري

يا مزون(ن) يبرقن ويرعدن=فتقن فينا جروح باريات
ذكرن القلب بايام(ن) مضن=وهيضني لديار معسول الشفات
الوزن في الشطر الثاني مختل بزيادة حرف ، فأما أن تحذف الياء في ( هيضني ) أو تحذف اللام في ( لديار ) حتى يستـقيم الوزن

بو عيون(ن) سود إليا سلهمن=تنسي راعي الدين دينه والصلات
هنا خطأ إملائي ، وليس هذا محور حديثنا ولكن للفائدة ( الصلاة ) تاء مربوطة

له جديل(ن) منه الأرداف أشتكن=فيه خنه من عطور(ن) زاكيات
أورد الخدين مضمور البطن=له نهود(ن) توهن مبينات
لا من إللي بطولهن يعذربن=ولا من إللي بقصرهن معيبات
ما شافت عيوني مثيله بالحسن=لا . ولا . في زين دله شايفات
الوزن في الشطر الأول مكسور ، فلو قلت: ( ماتشوف العين مثله بالحسن ) لكان أفضل

ويا مزون(ن) يمّ محبوبي سرن=عساكن بخير ربي جايدات
الوزن في الشطر الثاني مختل بزيادة حرف ، فلو قلت: ( جعلكن ، علّكن ) بدلا من ( عساكن )

لديرة(ن) فعل الطيب فيها فن=ديرة الماجوب وأهل الغانمات
الوزن في الشطر الأول مكسور ، فلو قلت: ( لديرة(ن) الطيب فيها فعل فن ) لاستـقام الوزن

في ليالي الخير عطاهم ما يمن=ما تشح إيدينهم بالغاليات
الوزن في الشطر الأول مختل بزيادة حرف ، فلو قلت: ( بالعطايا كفوفهم لا ما تمن ) لجاز ذلك

وفي ليال الشر شياطين(ن) وجن=ما يهابون الصعب والكايدات
صديقهم عينيه بالنوم أهتنن=وآمنن جور اليالي المقبلات
الوزن في الشطر الأول مكسور ، فلو قلت: ( من زبنهم في حلا النوم ارجهن ) لاستـقام الوزن

وعدوانهم من كل مر(ن) إشربن=روسهم برقابها متحانيات
الوزن في الشطر الأول مكسور ، فلو قلت: ( والعدا من كل مر(ن) يشربن ) لاستـقام الوزن

ويا هلّي عيوني عن النوم إعزفن=يسهرن الليل كله باكيات
من هواجيس(ن) علي ترددن=من تردادها عظامي ناحلات
يجب حذف الألف في ( تردادها ) لتصبح ( ترداده ) ليستـقيم الوزن

من هواجيس(ن) إلى منهن طرن=تستوي عندي حياتي بالممات
الأفضل أن تـقول: ( تستوي عندي حياتي والممات )

من هواجيس(ن) ماهن يرحمن=إحرمن جفون عينيا المبات
يجب أن تضيف حرف الباء في ( يرحمن ) لتصبح ( بيرحمن ) ليستـقيم الوزن

من هواجيس(ن) إلى جني أجن=إجعلن أفكار عقلي تايهات
ويا هموم البين وش هو مرادكن ؟=من جروح(ن) بالحنايا نازلات
ساقهن دموع عيني يذرفن=مرويات أوجانها متناثرات
وكل ما أسلى عنهن يعودن=وينبشن أحزان قلب خافيات
( قلب ) ياللي صار ملفى للحزن= والهموم إللي لها بصدري نبات
باسباب من قلبي فيه أنفتن=وصار حكمي ملكهم بامر ثبات
لو قلت: ( من سبايب منهو لقلبي فتن = وصرت محكوم(ن) لهم بأمر(ن) ثبات ) لكان افضل

أنتظرت أخبار خلّي وطولن=ويا عساها محريه بالغانمات
عاداتهن ينفرن ما يجمعن=ويقطعن حبال قرب(ن) موصلات
الوزن في الشطر الأول مكسور ، فلو قلت: ( من عوايدهن مهن بيجمعن ) لكان أفضل

وكل مافز قلبي يمهن ثم حن=وأنتحى لديار مجمول الصفات
لو قلت: ( قلبي اللي كم يفز وكم يحن = ينتحي ) لكان أفضل واستـقام الوزن

عودن في كسحتي يغطرفن=شاديات لحونهن ومنشدات
بطيور ياللي هذا هو علمي بكن=ومالكن عن وجعتي ظني غنات
لو قلت: ( يا طيور(ن) غردن وش نوحكن = مالكن ) لكان أفضل واستـقام الوزن

أخي العزيز/سطام الشمري ، أرجو تـقبل الموضوع بصدر رحب ، واعتبار أن كلا منا مكمل للآخر. وتقبل خالص تحياتي.


أخوك/حسين السبيعي

سطام الشمري

تحية مباركه للأخوة الأعزاء
سطام الشمري
كلمة حق صح لسانك ويشهد الله إنك مبدع ولكن
أعتقد بأن هذا النهج هو الأول من نوعه لك في الكتابه
لذا أقول لك شاعر حتى وإن وجد في قصائده بعض الملاحضات والشاهد الله

حسين السبيعي
ماأقول غير بيض الله وجهك
نعم ملاحضات من يريد الخير ويحمل الحب للشعر والشعراء
أجدت في نقدك وبيض الله وجهك
فلاضير من الحوار والنقد الأدبي وسطام رجل يحترم الرأي والنقد بأذن الله

يبدو أن الأخ/سطام غير مكترث بالرد والنـقاش

يبقى الحال كما هو عليه أخي حسين السبيعي
حتى رد الأخ سطام الشمري