هذا زيد

ابدا بسم من نزل على عبده النساء
عافي عن نفوسٍ جت من الذنب تايبه

وقل وش يقال لجالب التمر للحسا
والا يم خيبر راح بالتمر جالبه

لو انه يقول بخاطره عله وعسا
تاتي كلمةٍ في مجمل القول صايبه

وجا يشعب هجوسه للقوافي بلا قسا
وله جت كما خشفٍ تكاشف ترايبه

حيث انه لهذا الحفل شاش وتحمسا
من الشعر دور له جزاله واطايبه

سلام وتحايا طيباتٍ بهالمسا
بطعم در بكرٍ راعي الذود جايبه

يشمل من حضر حفلٍ لمن للعلى رسا
مثل ما رسا حضن لعواصف هبايبه

انا نوب راسي لاذكرت ايتعموسا
ودما القلب بالشريان تنظك رايبه

بعد صابني من فقد ربعٍ حشام أسا
فجعني بهم وقتي وهي من معايبه

لهم وسم طيب وباقي اليوم ما التسا
هذا زيد منه احيا لنا ذكر شايبه

عسى له بجنة عدن منزل ومجلسا
رجوى المؤمن بمولاه ماهي بخايبه

ولاني مثل من لا اقفا عنه صاحبه نسا
ماله خاتمه لوهو من ادنى قرايبه

انا من رجالٍ(نِعم) دايم لهم كسا
شرواكم/وهبها الله لنا من وهايبه

وصلوا على اللي من ترك هديه يخسا
عدد مرقبات نجوم ونجوم غايبه

عبدالله الصقري ,خيال مطير ,الجووهره معجبون بهذا

انا من رجالٍ(نِعم) دايم لهم كسا
شرواكم/وهبها الله لنا من وهايبه

وصلوا على اللي من ترك هديه يخسا
عدد مرقبات نجوم ونجوم غايبه


اللهم صلّ وسلم على نبينا محمد

كفووووو شآعرنا والنعم فيك
وصح لسانك مليون ولا يكفون
ويعطيك العافيه على هالرآئعه

عبدالله الصقري ,خيال مطير ,ناصر الهواوي معجبون بهذا

كايفه ونايفه وجزله من جزل
صح لسانك شاعرنا

تقديري للشعر والشاعر,’’

عبدالله الصقري ,خيال مطير ,ناصر الهواوي معجبون بهذا

اهلا يالجوهره وصح بدنك ولا عليك زود والله يسعدك ويحفظك
ارحبي شاعرتنا وصح بدنك والله يسعدك ويحفظك

عبدالله الصقري ,خيال مطير ,الجووهره معجبون بهذا

صح لسانك يابو عبيد

كفيتــــ وووووفيت

عبدالله الصقري معجب بهذا