وين النفوس

غيض من فيض

باسم الذي بالثلث الاخر ينادي=وين النفوس اللي تبا العفو عنها
اللي لنفحاتي تمد الايادي=قرينها في وسوساته شحنها
للشعر يالهاجوس عن الجيادي=واسرج له السابق وطول رسنها
اليوم خذني جد مانيب عادي=للورق ما اطرب لو تكوسر لحنها
ودعت انا البارح مظنة فوادي=وداع ملهوفٍ طوى الياس منها
بدت محبتها بلفة مهادي=ولا تنتهي حتى بلفة كفنها
في ذمتي هذا الفراق الوكادي=ينتف شعر دقن الرجا ويحسنها
هذا البعاد ان حل ذكر البعادي=من حين لف الخام طاهر بدنها
يالله يالمآمول ياخير هادي=ياقايل ادعوا والاجابه ضمنها
اغفر ذنوب امي نهار التنادي=في رحمتك ورضاك والعفو عنها
وصلاة ربي عد ما نجم بادي=على الذي عن كل ماشان ينهى

ملكة الرواسي ,رحيل ,الجووهره و 6 آخرون معجبون بهذا

النجلاء ,علي القرني ,سعود العتيبي ,حمد الحربي ,عبدالله الصقري ,محمد الغنامي

اللهم صلي وسلم على محمد
الله يغفر لها ويرحمها ويتجاوز عنها
معاوضين خير ان شاء الله يابو عبيد
وصح لسانك شاعرنا
دمت بخير

ناصر الهواوي معجب بهذا

ودعــت انــا الـبـارح مظـنـة فــوادي
وداع ملهوفٍ طـوى اليـاس منهـا

بــــدت محـبـتـهـا بـلــفــة مــهـــادي
ولا تنتـهـي حـتـى بـلـفـة كفـنـهـا


بيتين عن ديوان فضلا عن البقيه الجزله ماشاء الله
صح لسانك يالمبدع واسكنها جنته وجمعك فيها في ظله تحت سقف عرشه

ناصر الهواوي معجب بهذا

احسن الله عزاكم ابو عبيد
الله يرحم الفقيدة ويسكنها الجنة
ويصبركم على فراقها

وصح لسانك وفكرك

ناصر الهواوي معجب بهذا

كل عام وانت بالف خير


واسال الله العزيز الحكيم ان يغفرلها ويرحمها
وموتااا المسلمين


فعلاً الفقد فقد الام


صح لسانك اخوي ناصر وشهادتي فيك مجروحه

ناصر الهواوي معجب بهذا

صح لسانك وبيض الله وجهك يالقرم

عفا الله عنا وعنك والمسلمين اجمعين


ابدعت وامتعت لا هنت

ناصر الهواوي معجب بهذا

اللهم صل وسلم على نبينا محمد
الله يغفر لها ويرحمها ويسكنها فسيح جناته
فقد الام من اكبر مصائب الدنيا الله لايريكم مكروه ويعظم اجركم ان شاء الله
وصح الله لسانك على هالنص المؤلم والمؤثر
تقديري لسموك
النجلاء

ناصر الهواوي معجب بهذا

اللهم صلّ وسلّم على نبينا محمد
الله يرحمها ويغفر لها وأموآت المسلمين
ويجمعك بها في جنآت النعيم
وصح لسآنك ودآم ابداعك شآعرنا

ناصر الهواوي معجب بهذا