نتيجة التصويت على القصيدة الذهبية

بسم الله الرحمن الرحيم

الأحبة الأعزاء

كان بالأمس كنا نتابع بشغف ونصوت

للقصيدة الذهبية

وهانحن اليوم نعلن النتيجة النهائية للتصويت

القصيدة الأولى والذهبية لهذا الشهر

كانت لشاعر له بزوغ شعري رائع ولغة شعرية جميله

فعذوبته ولغته الشعريه نبراس للجمال والألق

هو الشاعر بدر أل شافي

في قصيدته ... عمر الأماني ماتجينا على الكيف ...

حرفـة حروفـي ماهـي حـروف تحريـف = ولا فلسفـة مسطـول تسـري بـه اوهـام
حـزن المعانـي وظـف الحـرف توظيـف = وفـزة شعـوري شعللـت روس الأقــلام
االمحبـره تنـزف تحـت رحمـة السيـف = وإلهـام سيـفـي مـاخـذٍ درع واحــزام
االمسـألـه مـاهـي مـجـرد سوالـيـف = قصـة غـرامٍ ضيعـة قـلـب ضـرغـام
لولا القوارب وش وجود المجاديف = ولـولا وجـود المـوج قبطانـهـا نــام
الليـل موحـش والسهـر فـيـه تكلـيـف = وكـلٍ يعـاف الليـل لوعـاش منـضـام
القلـب بيـت ٍ للوفـا والـغـلا ضـيـف = وأصدق ضيوفي من صغر سني (أريـام) "
حبـل المـوده كتّـف القـلـب تكتـيـف = وطير القفص رغـم الغـلا باالفضـا حـام
ياحيف.. ياقلبٍ بنا الصـدق.. ياحيـف = يرسـم طمـوح الـود بكفـوف الأحــلام
الحـزن حـاقـد والمشـاعـر ملاقـيـف = ضمـة وليـفٍ يـزرع بدربـي ..ألغـام
هــذا نصيـبـي ماتفـيـد التحاسـيـف = رضيـت بالمكتـوب.. ونكّـسـت الأعــلام
وشلـون اجاهـد والـبـلاوي تصانـيـف = والـحـب ظـالـم والغرابـيـل ظـــلاّم
منهـا عرفـت ان الليـالـي تصـاريـف = مـن يـوم قلبـي عانـق جــروح وآلام
عمـر الأمانـي ماتجينـا علـى الكـيـف = وعمـر الزمـن ماحقـق احـلام الأيـتـام
ولـو الغـلا يجمـع قـلـوب الموالـيـف = كـان الولايـف ماشكـوا جـور الأيــام

القصيدة الثانية

كانت بلاغة شاعر متعمق شعريآ

جزل بمفرداته وإنتقائه للجميل

الشاعر عبدالله محمد العصيمي

في قصيدته ... يارجم ...

عديت في رجمٍ عسيره مراقيه=في مهمهٍ قفرٍ به الذيب عاوى
ماطبه اللي يخلفنه هقاويه=ماطبه الا مخلفين الهقاوي
ماكل قرمٍ يوصلنه خطاويه=قو الصمايل يدفعن الخطاوي
من ضيقة اللي مدلهمه لياليه=عنّا القدم في راس رجمٍ خلاوي
قام يتوجد من عنا حر مافيه=قلبه طواه من الصواديف طاوي
عزاه يومنه على المر حاديه=غدر الزمان وقاهرات البلاوي
ياهيه لاتلحق عذابي مشاريه=درب الهوى يصعب على كل قاوي
كني صويبٍ مالقى من يداويه=جر الونين وخالفته الرجاوي
كله سبايب من جفاني وانا ارجيه=بعد الله اللي عالمٍ بالشكاوي
غروٍ وصوفه كامله يوم احليه=عنق المها وعيون حرٍ نداوي
رعبوب غضٍ ترف سبحان باريه=ممشوق طول وبرق خده سناوي
والخشم سيف ٍ سله القرم بيديه=من فوق شقراً ماتجي بالمناوي
والشعر ليلٍ منسدل فوق كتفيه=اسود كما ذيل العبيه رهاوي
الموت مشي صويحبي يوم اناديه=يقبل مقابيل السعد للشقاوي
غيره يابو سلطان لو حل مابيه=يحرم عليه لابسات الغطاوي

القصيدة الثالثه

كانت لشاعرة فخر في شعرها ورائعة في بوحها

عذوبتها لا متناهيه وأصالة شعرها لا محدوده

الشاعره ,, شاعرة نجد

في قصيدتها ... القلب الشغوب ...

كلما. ذعذع من الشـرق... نسنـاس الهبـوب=ذكّر..اقليب..المـعـنّـاة دار... أحـبـابـهـا
وإن بغيت أسْلى!..حكى القلب.! قال أنتي كذوب!=جاملـي!! والا الحقـايـق تــراي أدرابـهـا
لامتى..بيعـيـش خاطْرْكْ..يابنت..امغـصـوب؟=إلحقي عمـرك تـرى الـدار تبغـى اصحابهـا
واطْربي.!.. والعمـر بيديـن مولاه..امحسـوب=والقمر..مابـه..ولا..دار.. غـيـر أضوابـهـا
قلـت..نـاري تشتعل..لاتـزوّدهـا.. شـبـوب=والستـيـره مطلـبـي... علّني..أحضـابـهـا
لاتبـحّـث..فـي خفاياي..وتْبين..الـعـيـوب=والــصــدور المغلقه..لاتشـرّع..بـابـهـا
والله إني...صرت..مَطْلب..لْعفنـيـن القـلـوب=يالله إنـك..عــن طريقي..تـردّ..اركـابـهـا
نـاس عيّـت عـن تتبّـاع خلـق الله تتـوب=ودهـا تنقـد وهـي مــا تَحَسْب..احسابـهـا
أشهد انهـا صدفـة(ن) عقبها..قامت..احـروب=ياعذابي..ويـن جتـنـي؟ وربــي ..جابـهـا
عـزتـي للعين..ياوشْ..عليـهـا مـن.ذْنـوب=كسّـرالـدمـع المهلهل..صْفوف..أهـدابـهـا
لاتثـيـر الـجـرح..بالله يالقلب..الـشـغـوب=وكـل نفس(ن)...راتعه..فـي ربيع..اعجابهـا
صرت أنا وجْرووح..قلبي مثل سيـل الجـذوب=يوم..جاهم..مادروا..بهْ..وشـلّ..اطـنـابـهـا

القصيدة الرابعه

لبليغ قول ومتعمق شعر فصيح له بصمته

وله روعته وإتيانه العذب

الشاعر ,, حسين السبيعي

في قصيدته ... ذكـرى ...

تَذَكَّرْتُ لُقْيَانَا جُلُوساً عَـشِيَّةً=عَلَى مُلْتَقَى الْبَحْرَيْنِ في دَارَ طَارِقِ
عَلَى كَاسِرِ الأَمْوَاجِ وَالْمَاءُ حَوْلَنَا=وَلِلْبَحْرِ أَمْوَاجٌ كَنَشْرِ الْبَيَارِقِ
يُظَلِّلُنَا غَيْمٌ لَطِيفٌ تَنَاثَرَتْ=سَحَائِبُهُ في الْجَوِّ مِثْلُ الرَّقَائِقِ
عَلَى رَبْوَةٍ خَضْرًا كَأَنَّ زُهُورَهَا=زَرَابٍ مُحَلاَّةٍ بِشَتَّى النَّمَارِقِ
وَقَدْ فَاحَ مِنْ تِلْكَ الزُّهُورِ أَرِيجُهَا=لِنُصْبِحَ في جَوٍّ مِنَ الْحُبِّ عَابِقِ
يُدِيرُ عَلَيْنَا الرَّاحَ سَاقٍ مُدَرَّبٌ=بِكَأْسٍ لأِمْزَاجِ الْمُحِبِّينَ لاَئِقِ
فَنَشْرَبُ كَأْساً إِثْرَ كَأْسٍ لَذِيذَةً=يَطِيبُ بِهَا الْوِجْدَانُ مِنْ كُلِّ عَاشِقِ
وَنَبْنِي بِهَا صَرْحاً مِنَ الْحُبِّ وَالْهَوَى=سَمَا في سَمَاءِ الْحُبِّ عَنْ كُلِّ سَامِقِ
وَنَنْسِجُ أَحْلاَمَ الْخَيَالِ وَنَرْتَقِي=بِهَا قِمَّةً تَعْلُو عَلَى كُلِّ شَاهِقِ
وَنَسْبَحُ في بَحْرِ الْغَرَامِ جَمِيعُنَا=نَغُوصُ بِلُجَّاتِ الْهَوَى لِلْمَفَارِقِ
وَنَلْعَبُ دَسْتاً كُلُّنَا فِيهِ فَائِزٌ=أَكِرُّ عَلَى شَاهَاتِهَا بِالْبَيَادِقِ
إِذَا أَدْبَرَتْ تَمْشِي الْهُوَيْنَا تَكَاسُلاً=وَإِنْ أَقْبَلَتْ تَمْشِي بِخُطْوَاتِ وَاثِقِ
فَتَسْعَدُ عَيْنُ الصَّبِّ مِنْهَا بِنَظْرَةٍ=لِقَدٍّ رَشِيقٍ غَايَةً في التَّنَاسُقِ
وَوَجْهٍ كَحُسْنِ الْبَدْرِ لَيْلَ تَمَامِهِ=كَسَاهُ الْبَهَا وَالنُّورَ رَبُّ الْخَلاَئِقِ
مُمَيِّزُهَا الرَّحْمَنُ جَلَّ جَلاَلُهُ=بِحُسْنٍ عَلَى كُلِّ الْجَمِيلاَتِ فَائِقِ
فَتَفْتَرُّ عَنْ ثَغْرٍ جَمِيلٍ كَأَنَّهُ=بِجُنْحِ ظَلاَمِ اللَّيْلِ وَمْضَاتُ بَارِقِ
وَتُطْرِبُ آذَاني بِعَذْبِ حَدِيثِهَا=حَدِيثٍ نَدِيٍّ نَاعِمِ اللَّفْظِ رَائِقِ
وَقَدْ لَفَّنَا عَنْ أَعْيُنِ النَّاسِ سَاتِرٌ=وَعُذْنَا بِرَبِّ النَّاسِ مِنْ كُلِّ غَاسِقِ
فَبِتُّ بِذَاكَ اللَّيْلِ وَهْيَ ضَجِيعَتِي=تُعَانِقُني حُباًّ ، أَشَدَّ التَّعَانُقِ
وِسَادَتُهَا كَفِّي ، وَحِضْني مِهَادُهَا=وَفي الأَنْفِ مِسْكٌ مِنْ عَبِيرِ الْعَوَاتِقِ
فَمِنْ لَذَّةٍ ، في نَشْوَةٍ ، ثُمَّ لَذَّةٍ=تَمُرُّ بِنَا السَّاعَاتُ مَرَّ الدَّقَائِقِ
قَضَيْنَا بِهَا وَقْتاً جَمِيلاً وَمُمْتِعاً=لَهُ لَذَّةٌ في ذِكْرَيَاتِ الْعَوَاشِقِ
فَيَالَيْتَ ذَاكَ الْوَقْتُ يَرْجِعُ مَرَّةً=نُجَدِّدُ عَهْدَ الذِّكْرَيَاتِ السَّوَابِقِ
لِتُشْفَى نُفُوسُ الْعَاشِقِينَ ، وَتَلْتَقِي=رَغَائِبُ حُبٍّ دَاخِلِ الْقَلْبِ صَادِقِ
فَمَهْمَا يَطُولُ الْبُعْدُ لَمْ أَنْسَ دَارَهَا=وَإِنْ شَاءَ رَبِّي عُدْتُ رُغْمَ الْعَوَائِقِ
سَلاَمٌ عَلَى تِلْكَ الدِّيَارِ وَأَهْلِهَا=وَزُوَّارِهَا في كُلِّ ذَرَّةِ شَارِقِ

القصيدة الخامسه

للرائع والعذب دائمآ حامل الشعر بلغته الأصيله

وراقي الشعر وجزله

الشاعر ,, محمد الروقي

في قصيدته ... ردآ على الشاعر سيف الجهيم ...

مرحبا ياباذر البذر من نو الخيال=سلسبيل(ن)طعمها والعسل بعذوقها
من هجوسك يوم غنيت والطاروق عال=علة(ن)بين الضماير فضح طاروقها
يالجهيم يمكن الغنج للمشكي دلال= والجواهر ماتقدر ياكود بسوقها
مالك الا يالجهيم عقال وطيب فال=بذلت المجهود والكايدات انعوقها
مانخيت الا جبل ياجبل جتك الجبال=كانها بالمال بكره معك مفروقها
وكانها بالجول والصول في عرق الرمال=بعد بكره ياعميلي نجيك بنوقها
والهويه في مقاديمها والبس شال=لين روحك تشتفي من قديم حروقها
اركها والله عوين على زيزوم جال=جات غصب وحط كفك ورا زملوقها
وكانها قد رفت الريش والمزبن هيال=حبلها مع سبلها عطرها منشوقها
صب كاس الزعفرانه وهيل من الدلال=اخذها ياسيف رزقه وجت مرزوقها
ماقف مني ونا معرب(ن)جد(ن)وخال=والحمول الكايده سهلة(ن) ونطوقها
جعل ماقلته كفاني وزال الشك زال=وحرتك ياسيف جود جميع اسبوقها
الغلا صدق ونقا مايجي فيه احتيال=ونت بين بن ذوقك يخالط ذوقها
والختامه مني احلى من الصاف الزلال=صحبة مع نخوة جاتني ما ابوقها

وختامآ

لايسعنى سوا التهنئة من القلب

للجميع قائلين لهم

ألف ألف مبروك

وبالتوفيق للجميع

الف الف مبروك للجميع ويستاهلون

الف مبروووك للجميع
تستاهلون شعراء مبدعين
يعطيكم العافيه وصحة السنتكم ودووم التميز حليفكم
تحياتي لكم

خطوه جميله وعمل جبار ورائع

ألف ألف ألف مبروك للجميع

وبالتوفيق

الف الف مبروك

يستاااهلون ويشرفني ان اكون ضمن هاولا الشعراء

الجزلين

الف الف مبروك للجميع
وكلهم للامانه شعراء لهم مكانتهم في قلوبنا
ابارك لهم جميعاً
تقبلوا تحياتي
ولكم خالص الود والتهاني

شعراء رائعين ونستفيد منهم

الف مبروك ويستاهلون كل خير

الله يعطيك العافيه

تحياتي

اااااااااااااالف مبروك للاشعراء