الحــــزن

الحظ ميت وأنعدم نبض الأعـروق=مرحوم ياللي مات بـأول ربيعـه
والحزن لازمني تقول ظل مخلـوق=والظل ملزم فـي علـوم الطبيعـه
روتين في دنياي مشتاقلـي شـوق=متولعـن ياخـوك ياهـي وليعـه
مجنون حزني مستحيل أنه يـروق=أعيش نكساتـه بلحظـه سريعـه
والهم نار وعشت دخان وحـروق=أستنشق الدخـان وكتـم رجيعـه
أحيان أقول الجسم منهك ومخنـوق=وتصغر بعين النفس كل الوسيعـه
ماتشوفني مدمي وللجرح منطـوق=وأذا الزمن ماطـاع خلـك تبيعـه
من كثر ماعشته تجرعتـه أبـذوق=أستشعره فـي كـل وادي وريعـه
ماكـل ماتطـرد تقولنـه ملحـوق=لـو تبـذل المجهـود ماتستطيعـه
صحيح لا مانع ترى من النظر فوق=وأذا وصلت تقول ماهـي رفيعـه
خوفي على طول النظر ينزل الموق=وتستقبل الأحـزان ياهـي شنيعـه

صح لسانك يابدر

يعطيك العااااااافيه تقبل مروري وتقديري

قصيدة ولا أروع شاعرنا

صح لساانكـ

قصيده رائعه وجميله

صح لسانك ولاهنت أخي

بدر العيباني
صح لسانك ويعطيك العافيه
قصيده رائعه من شاعر مبدع
في انتظار المزيد بكل شوق ولهفه
تحياتي

صـــــــــــــــــح لسااااااااااااااانك على هذه الرائعه


الله يعطيك العافيه


تقبل تحياتي

شاعرنا
بدر العيباني
صح لسانك يالذيب ولا هنت
وبيض الله وجهك
يالجزل
تقبل تحياتي
ودمت بكل خير وموده

مجنون حزني مستحيل أنه يـروق

أعيش نكساتـه بلحظـه سريعـه

والهم نار وعشت دخان وحـروق

أستنشق الدخـان وكتـم رجيعـه

أحيان أقول الجسم منهك ومخنـوق

وتصغر بعين النفس كل الوسيعـه

...صح لسانك أخوي بدر...

قبل دقائق قليلة قرأت موضوعا لأخينا إبراهيم العضيلة...معنون بالاكتئاب..

... وصدفة غريبة أن وقعت على قصيدتك التي أجدت في تضمين بعض من أعراض الاكتئاب فيها!!

....يروق لي الشاعر المثقف في إعماله لثقافته بشكل يخدم القصيدة

ويمتع القاريء....

صح لسانك مرة أخرى ...

ومزيدا من القصائد الابداعية الماتعه...

مهرة...