اطلاق أسير

بسم الله الرحمن الرحيم

ابا ابدا باسم خلاق العبادي = هو اللي باني السبع الشدادي

بناها سبع في سته ليالي = بليا سور وبليا عمادي

وابا اعد القصيد اللي بنيته = على روس الرياجيل الشهادي

بنيته فالذي طول غيابه = وسبع اعوام في اسر وجهادي

اسيرن والاسر مرن مجرع = وامر من الحدج ماهو بعادي

تصبر والصبر عزم وشده = ولا حط البياض مع السوادي

هو اللي رافع شعار الشجاعه = رفعها فوق لركان البلادي

تباشرنا مجيئه قبل شوفه = قبل جيه تذيع ابه الروادي

وشاء الله ثم اطلق سراحه = على ممشاه مثل النور بادي

بفضل الله ثم اخوان نوره = عيال سعود هم سقم المعادي

وكلامي ماتوفيه القصيده = ولاتوفي كلامن في فوادي

وعدد دهم المزون المستهله = وسيل سيولها مع بطن وادي

صلاة الله على شفيع خلقه = رسولن منذرن حضر وبوادي

صح لساانك لين ترضااا

اشهد انك مبدع لا عدمتك

تقبل تقديري

وسمحلي بتنبيهك

على زيادة حرف(في)

بنيته فيفالذي طـول غيابـه

صح لساااااااااااااااانك

والله لايهينك على القصيده الوافيــه

لك مني كــل التقدير

تحيتي.

صــــــــــــــح لسااااااااااااااانك على هذه الرائعه



الله يعطيك العافيه

تقبل تحياتي

عليه الصلاة والسلام

رائع أخي العزيز

جميله ومعبره هذه المشاعر

صح لسانك ولاهنت

سراج الجعيد
صح لسانك ولاهنت
قصيده رائعه يعطيك العافيه
في انتظار نزف قلمك بشوق
تحياتي

شاعرنا واخونا الغالي
سراج الحعيد
صح لسانك يالذيب ولا هنت
وبيض الله وجهك
قصيده وافيه وجزله يالذيب
لك مني التحيه والتقدير
ودمت بخير وموده

يعطيك العافيه اخوي محمد
على ملاحضة الغلطه المطبعيه
واشكر كل من شرفني بمروره