انا كيف اقاطع واحدٍ ما رضي بالبو

انا كيف اقاطع واحدٍ ما رضي بالبوق
ولا يسمع اللي نية السوء من مبداه

رفيعٍ مقامه صادقٍ بالوفاء والذوق
رجح عقله الثاقب على ما تقول عاداه

تحدا خبيثٍ ضامره بالحسد محروق
عليه الله اكبر كل مدرك عرف عجفاه

حليف الرعونه دونها شاربه محلوق
ولو زرفلت به فاطره بالوغى ماجناه

نعديه عن نوطٍ عليها النعش مطروق
صهاةٍ غزيزة شيخ هي غايته ومناه

غرق في غلاها والوطن فيه ضوح بروق
هوا مزنه الغربي ونود الصبا تشعاه

عشقها وعذبته ولطف الحشاء معشوق
صطاء فيه جرحٍ يا اهل الحب من يرفاه

‏ورصخ في كنينه صورة العذب يا مرزوق
‏علينا يمين الشرع لو مات ما ننساه

‏‏سنينٍ طويله والحشاء فيه منه فتوق
‏هني السليم اللي سلم من غلا شرواه

عليه اشقرٍ. جذاب عن غرته مفهوق
على العاتق اللي خالق الساهره سواه

وخرسٍ حورها فيه سحر البشر مرموق
وردفٍ يضيم الساق لا جد في ممشاه

‏مثل دانة الغواص منوة خبير السوق
ثمنها كليفٍ راعي السوق ما يقواه

جعلها الله الرزاق صعبه على المخلوق
هميل المزون الممطره بالبحر مجناه

رسمت الوصوف النادر دون نقص وعوق
هذا ما حضر في فكرتي بالذي شفناه

عيد بجاد ابن شده

ملكة الرواسي معجب بهذا

صح لسانك ثم صح لسانك يالبناخي
أبيات جزله ,
من شاعر غني التعريف ,
صولات وجولات وسطورمعقمه بماء الذهب

تحياتي لشخصك

تقيييمي

خيال

صح لسانك ولا هنت
نص رااااقي يعطيك العافية

الاخوه الكرام تحياتي لكم
وصحت ابدانكم

ملكة الرواسي معجب بهذا

صح لسانك مليون
قصيده جزله شاعرنا
يعطيك العافيه

صح الله بدنك من كل شر

الله الله
ياسلام عليك وصح الله لسانك ملايين شاعرنا
ابدعت وامتعت ولاهنت
دمت ودام مداد حرفك الشامخ
تقديري لسموك
النجلاء

صح الله بدنك من كل شر
ي النجلاء