خيط الاماني ..!

الله يصبحكم / يمسيكم بـ الخير جميعاً

مهما طال الغياب .. الا ان لكم معزّه عندي

ولا نسيتكم ..

وتقبّلو هالمتواضعه ..

‏

ياصواديف الحياه احلامنا منسّيه=اعتقي خيط الاماني واصغري واحلوّي
بيني وبينك مواضيع الزمن جدّيه=لين تهت وشاب شعر الراس وانا توّي
ماطلبتك .. لا محنّيه .. ولا حنيّه=مير شفت القلب من ضيمك طلع متروّي
صارت اوجاعي جهر ماعاد اهي مخفيّه=كان ماخوّى علي الشوق جيت مخوّي
من غياب اللي لها شعري وحسن النيه=بانياً بيتاً .. لها ولـ غيرها .. متطوّي
جيت كلّي في غرامي بـ الهجوس الحيّه=جيت متشكّل لها .. عاقل ونوب مهوّي
ياحياتي ياحياة اللي فقد .. غاليّه=ماني بقاوي لو ان شكلي يجي متقوّي
صرت مثل اللي يعالج .. كيّته بـ الكيه=من ثلاث سنين عايش بين ليت ولوّي
قصة الفرقا حفظها الوقت .. والماّريه !=حبلها في غصن فرقانا طلّع متلّوي
خذت وصلاً من وصال الناس لي عاريه=كان ماترضيك هاذي ويش عاد اسوّي

عبدالله الصقري ,نور ,شرهة و 8 آخرون معجبون بهذا

ملكة الرواسي ,ناصر الهواوي ,رحيل ,نايف خويتم ,محمد الغنامي ,محمد الـفراج ,ريم الفلا ,الجووهره

هلا بك سآمي

ويسعد صباحك ومساك وكل أوقآتك

منور بعد الغيبه وآخر الغيبات ان شاء الله

وصح لسآنك مليوون ولا يكفوون

ويعطيك العآفيه على هالرآآئعه

مبدع ي سامي صح لسانك ولاهنت

الله الله
صح لسانكـ
مليوووون ولا يكفوووون
قصيده جزله ولاهي غريبه عليكـ يا سامي
دام حضوركـ وابداعكـ يالجزل

الله الله
سامي الغنامي
حيه وحي ماجاب
ياهلا وغلا من حظر ماغاب
صح لسانك واعتلا شانك
مبدع وجزل كما عهدناك
سجل اعجابي وتقديري
وختم التمييز
ولك اجمل تحيه

سامي قصيدك يا سامي

جزل ومبدع صح الله لسانك مدد

سامي الغنامي
وصباحك وجميع اوقاتك اسعد واجمل

عودا حميدا و اخر الغيبات ان شاء الله
صح لساانك مليوووووون
وعلى قول المثل من طول الغيبات جاب الغنايم

إي والله ويش عاد اسوي
بصراحه ياسامي هذه فلت من فلتات الابداع الذي لا يتكر دائما
صح الله لسانك ولاهان راسك وبيض الله وجهك
وحياك مولاك

الجووهره معجب بهذا