بضم صدرك لين تصبح على خير

//
/
إفتح شبابيك الهوى جيتك اليوم
بإحساس من زود الوله عده يطير

جيتك مثل طفلن له أيام محروم
عن حضن أمه أبعدته المقادير

وجيتك مثل عودن له أيام مهموم
وده يلاقي بأخر الوقت تقديــر

وجيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب على شانك وأقدرك وآغير


لي في هواك أحلام وأمال وعلوم
وأحزاب وأصحاب وقصيد وجماهير


وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير


وصحبة سهر ومقاطعة لذة النوم
وأشواق جياشه وعشق وتعابير

في ذمتك مابان لك شي مكتوم
من بعد ماصورت الأوضاع تصوير

لاتحسب إنك شي عابر ومعدوم
وتاريخ حبك فاق كل الأساطير


في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لايومك اليوم
وغلاك عندي ماحصل فيه تغيير

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير

الله يعطيك العافيه على النقل الجميل

واسمحيلي بنقل الى القسم المناسب

تقبل تحياتي

ابراهيم

مشكور على المرور الرائع يعطيك العافيه

لا هنتي اختي ولا هان منقولك

وصح لسان شاعرها

والله يعطيك الف عافيه تقديري لك


النداوي

أحسنتِ أختي العزيزة/نوف أحسن الله إليكِ

شكرا لكِ سيدتي الكريمة على هذا النـقل الرائع

دمتِ بسلام وسعادة وحب وألق أيتها الأخت العزيزة

نقل رائع

بذوق عالي

مودتي

تسلمين نوف على النقل الرايع


تقبلي مروري وتقديري مشرفتنا الغاليه

نقل رائع ولاهنتي


مشكورة ودمتي بود