صوت وصدى

السلام عليكم ورحمة الله وبركاته



صوتي الاول



البارحه فالليل ياحسين ياحسين
عم الهدو والنفس عيت تهدي
تبغى فياضً ماتجيها البعارين
غير الطيور اللي تهاجر تعدي
فيها نواوير السعد تسعد العين
تجبر هجوس الشعر تعلن تحدي
لا شفتها ياحسين عفت المزايين
وشريت لك عزبه وطيرن تهدي
حرن ولدن حرن سلالة شياهين
يشد راس الخرب ياصاح شدي
والبر والمقناص وخوة ميامين
اخير من هرج القفى والتردي
هذا شعوري والمشاعر عناويين
وانته تعرف البحر جزرن ومدي
من بعدها ركز معي واستمع زين
بعطيك لغزن وانتظر منك ردي
ياويش حاجه ماتجي بالملايين
حاجه ثمينه ماتجي بالتقدي
نسمع طواريها مع الزير واثنين
الحارث ابن عباد وناسً تعدي
وابن رشيد اللي قصيده داواوين
وانويشي الحربي وذكره يسدي
والحل شفني كاتبه بس لا يبين
كلمه لها وقفه لو الوقت ضدي
وختامها فالليل ياحسين ياحسين
عم الهدو والقاف جاك امتحدي



رد الشاعر / حسين دوخي الحارثي


على هاجوس الشعر ياليل الاثنين
ودي على الإبداع من زود ودي
عطني البيوت الي من يسار يمين
ورث ورثته ورث من ساس جدي
بسج معها لين ماطوف ثلثين
حتى من الإبداع ماشوف قدي
جاني على الجوال مرسول غالين
يافكر ترجمها وياعين لدي
يامرحبا ياحرب من حين لا حين
قوم لها بالطيب وقفه ومدي
ماينجبون الا شيوخ وسلاطين
وشعر على كبار الأسامي يعدي
مزبان من حده زمانه على البين
وسم على كبود العدا مايردي
والغز من دونه على العسر واللين
ارواحنا الي من غلاها تفدي
خوة عمر ماهيب يوم ويومين
ولاهيب خوة كاس شاهي ومندي
حقوق نوفيها من اول وهالحين
ماوالله عنها يارفيقي نصدي
ولو دارت الايام في وجهها الشين
مابيحت سدك ولا باح سدي

محمد الـفراج ,الجووهره ,ريم الفلا و 4 آخرون معجبون بهذا

عبدالله الصقري ,محمد الغنامي ,ملكة الرواسي ,رحيل

الله الله
صوت وصدى
ولا اروع صحت السنتكم
ولاهنتو

ابداااااااااع لا هنتم جميع
يعطيكم العافية

احمد السليمان
صح لسانك مليون
وصح لسان الحارثي
صوت وصدى ولا اروع
سجل اعجابي وتقديري
ولك اجمل تحيه

صح لسانك ملايين
يعطيك العافيه
تقديري لك

صحت ابدانكم ولاهنتم ع المرور


تقديري للجميع

صحت ابدانكم جمعيا ولاهنتم على المرور الاطراء الجميل

تقديري

صح لسانك ي احمد وصح لسان حسين ولاهنتم