فهمتني؟؟

هذه القصيدة عوضاً للقصيدة المنتقدة التي نقلت الى قسم الانتقادات الأدبية


وأشكر الاستاذ / محمد القسامي على نقده الهادف واشكره على الصراحة

لاني والله ماأحب المجاملة لك الشكر والتقدير من كل قلبي....يامحمد القسامي

مابستحي لا جيت أقبل خدودك=أشعر كذا خدك يريّح شفاتي
وأشعر مماتي لو جفيت بصدودك=تبي الصراحة ؟؟؟فيك موتي وحياتي
هذا شعوري راحتي في وجودك=أبا أعرف شعورك معي ياغناتي؟


نسيت أنك تستحي في ردودك=أنا أعرفك دايم تقدر سكاتي
لاتستحي ماودي ألمح ركودك=الحب مايبغى الخجل له صفاتي
خلك قوي ماودي ألمح برودك=لاتستحي مني وسوي سواتي


لازدت في شوقي أبا شوف زودك=وأن قلت أحبك نادني ياغلاتي
ولا شفتني أسقي بدمي ورودك؟=دمك أبيه بزرد يسقي نباتي
ولا شفتني ماجيت لك في وعودك=في موعدي أصحى تجيني وتاتي



فهمتني؟؟ قصدي حبيبي أفودك=فهمتني؟؟ ولا أكرر حكاتي
لا تنهزم لا جيت أقبل خدودك=خلّك أقو مني وقبل شفاتي

أتمنى أن تحوز على رضاكم