جوالي على حاله

أحبتي الرواسيون والرواسيات

صباحكم/مساؤكم خير ، وشعر ، وعطر ، وحب
يسرني أيها الأحبة أن أصافح أعينكم وقلوبكم بهذه المتواضعة ، راجيا أن ترتـقي إلى مستوى ذوائـقكم الأدبية الراقية ، وأن تنال بعض الرضا والإستحسان.


جوالي على حاله

أروح وأرجع ومهما تبعد خطايه=إن رحت وإن جيت جوالي على حاله
أناظر الشاشة أرقب للوصل آيه=لا فيه مس كول ، ولا حتى به رساله
أقول يمكن يمرّه طيف ذكرايه=يمكنّ الأشواق هزّت قلبه الدّاله
يمكن يناظر صوره العام ويّايه=يمكن يحاول ولكن ما تهيّاله
يمكنّه يحنّ ، يمكن للجفا غايه=يمكن ظروفه ، ويمكنّه يورّى له
لكن أشوفه تمادى لما له نهايه=وتمرّ الأيام مانطري على باله
نسّته الأيام ، والأيام نسّايه=وهذي عوايد طروق الحب وأحواله
ومع ذلك ألقى لصدّه عذر وحكايه=وأقول عذره معه مادامه لحاله
ومهما يطول الجفا والصّد والسّايه=مانيب ناسيه دام القلب يبرى له
ولانيب سامع بحبه لوم ووشايه=مهما يقولون فيّ وفيه عذّاله
لي في غرامه قصيدة شعر وروايه=باقي على العهد والحاله هي الحاله
ومن لامني في هواه بذمتي تايه=ماجرّب الحب في الدنيا ولا ناله
ورغم انقطاع الوصل واعداه واعدايه=القلب باقي على رجواه وآماله
باقي لعلّه يغيّر في الجفا رايه=وأجي وألاقي مِنِه مس كول ورساله

حسين السبيعي

يمكنّه يحنّ ، يمكـن للجفـا غايـه

يمكن ظروفه ، ويمكنّـه يـورّى لـه

التعذر للمحبوب اول شي أعجبني هال بيت بالحيلللللللللللللل

صح لسانك \\ تحياتي

صــــــــــــــح لساااااااااااااااااانك اخي حسين على هذه الرائعه


الله يعطيك العافيه

تقبل تحياتي

الاخ والشاعر المميز ...حسين السبيعي
قصيدة تروي الذائقه اعجبتني كثيراً في موضوعها وبنائها
وتسلسلها في المعنى صح السانك وبدنك وعساك على القوة
لك كل الاعجاب دمت بخير

انت غير وكلامك غير يعجبني قافك الله لا يضرك وصح كلك عن كل شر وتقديري لك

صح لساانك اخوي

حسن السبيعي

والله يعطيك الف عافيه يالغالي

على الإبدااع الرااائع


تقديري

لك

صح لسانك


وبيض الله وجهك


تقبل مروري البسيط

صــح لســــــآنك لييييييين ترضـا يا ابن العــم

واللـه يعطيـك العـافيه على هالابــداع