.... قالو تغزّل ....

بسم الله الرحمن الرحيم

السلام عليكم ورحمة الله وبركاته

صباح / مساء الخير للجميع

قالو تغزّل قلت ماللغزل دور=في دنيتي ماله مكان ومجالي
شعر التغزّل فالغنادير محضور=لاهوب هملي ولاهوب فالي
أنا على الوقفات للذيب مخّبور=ما نضّم القيفان لجل الغزالي
وراع الهوى لا حب ماهوب مجبور=بالشعر ياصف زين بنت الحلالي
ياصف مفاتنهى على الناس بشعور=ويوزع الصوره برسم الخيالي
ويقول أغار ولا حصل مني قصور=ويغتابها بالهرج لا جا مجالي
وتروّح الغيره مع الهرج وتبور=وينقض كلامً قال بول وتالي
يامن بلاك الحب عندي لك الشور=أستر على حبك وخله مثالي
الحب بين أثنين لا صار مستور=هذا الهوى ماهوب حب الهبالي
وأنا على الهزلات مانيب مامور=أبعد عن الهزله ورود المعالي
مالي ومال الصم والبكم والعور=ياالله أتجنبني دروب الضلالي
وختامها ياجعلنا من هل الحور=في جنّة الفردوس ننزل بعالي

بدر بن الحميدي

مرحبا وياهلا

لو كان شعر الغزل عيبا اوذما لكان اول المذمومين قيس

والدجيماا الثعلي ... والشمري,, وبطحي الغنامي ,, ومحسن االهزاني

وياكثرهم ,, وفيه من يذكر الشعر بوصف الغزل من الخيال ولا يوجد معشوقه لديه

ولكن شاعر ويجاري مايتذوقه المستمع لك تقديري وحترامي وصح كلك لين ترضااااء

أخوي محمد الروقي يا هلابك ويا مرحبابك

يبدو انك قريت النص بعجله وبدون تمعن

انا ما تكلمت عن الغزل عموماً

تكلمت عن من يوصف الشكل والمفاتن

اما الغزل العفيف بالعكس انا من اشد المعجبين فيه

تحياتي لك

بدر الحميدي

اللي مايقول عنها كايفه

واللي مايقول عنها رائعه

واللي مايقول عنها وافيه

ومن العيار الثقيل

ماعرف حق شاعريتك

صح كلك وجعل الشعر مايملك

ودام هالبوح بكل خير وموده

مروري وفائق تقديري وإعجابي

	صح اللسانك اخوي بدر وننتظر جديدك تقبل مروري

محمد القسامي

الكيف والروعه والوفى والجمال والجزاله

تكتمل بمرورك وتشريفك

حتى لو كان النص غير جميل قرائتك له تجمله

اشكرك وأقدر لك ذائقتك الراقيه والنضيفه

تحياتي لك

صح لسااااانكـ

كلمات اعجبتني

اهنئك لتميز ماكتبت ويستحق تميزه بجداره

فلا تحرمنا من كلماتك الذهبيه

يا مرحبابك يا مشاري

وصح بدنك يا الغالي

اشكر لك تشريفك اللي اسعدني

تحياتي لك