في غربة ٍ ماسعد عينكـ تشوفها

26-01-2017, 04:17 PM

‏في غربة ٍ ما سعد عينك تشوفها=من بين هم وبين حرف ٍ وغالي
اساير همومي واداري خواطـرك=واعلن شموخي واعتلي كل عالي
و مهملين الوصل واجد و عده=طعم المراره ذقتها وانت حالي
مااقول سكرنا الوصل والمعاتب=لكن على الله ضيقة ٍ لزوالي
و نذكر بها خل ِ غرامه جذبنا=حافظ عهوده و احتفظ بالوصالي
و لو نرقب الهزله حشا ماكتبنا=ولا هاض جاشي وانتقيت الجزالي
و ن جآت لي حاجه تثنت اعزومي=لا ناشد ٍ عنها و لا اني ب سالي
تمر يا ابن ادام عليك الظهايد=و منها تشيل اجمالنا ما تشالي
جربت و التجريب مبدا كلامي=وحبيت ابدّي لك اعلوم ٍ ثقالي
تمد لي فنجان يا حي حيكـ=من طيب ذاتك ياعريب الخوالي
ومدلك يمنا على الطيب عادت=واشفق على مدت كريم السبالي
يا ناوي المرواح ريح براضه=ابا اكمل المكتوب يا وجد حالي
و جد اليتم اللي فقد و الدينه=دكت عليه اهجوس شرق و شمالي
من عاش بالفيه نزح يتبع الظل=ما عاد بالرمضى بحب الظلالي
يدك به هم ٍ تواقد لهايبه=وده يشد ولا تشّد الرحالي
(......) طبع الناس يخلف هقاوي=والهون كلمة يا وليّد الحلالي
و خفيت قولي و اتحاشا عن الذم=في مجلس ٍ يجمع قروم العيالي
هذا هواء بالي و غايات ذودي=ميرادهن عد ٍ طويل الحبال
واختامها صلاة ربي علا طاه=محمد الهادي لشرع العدالي

الشاعر / مطرال طرقي الجميلي

عبدالله الصقري ,غيمة جنوبية ,لجين و 3 آخرون معجبون بهذا

26-01-2017, 04:28 PM

عليه الصلاة والسلام
مطر الطرقي
صح لسانك مليون
نص فخم وجزل الابعد الحدود
لافظ فوك ولا الجم لسانك
مروري واعجابي وتقديري
يسبقه ختم التميز

عبدالله الصقري معجب بهذا

26-01-2017, 04:41 PM

من طيبكـ ولا علاكم زود

اشكرك ع المرور والاطلاع

محمد الغنامي معجب بهذا

26-01-2017, 06:25 PM

عليه افضل الصلاة والسلام
الشاعر القدير
مطر الطرقي
حياك الله نورت الرواسي
وصح السانك ع هذه القصيده
الكايفه والنايفه
ربي يسعدك ويوفقك
تقديري لك واحترامي