بحور الشعر

السلام عليكم ورحمة الله وبركاته

هذه المتواضعه عسا أن تحوز على رضااكم

,,,,,,,,,,,,,,,,,,,,,,,,,,,,,,,,,,,,,,

أطرق بحور الشعر وأدْرِج خوافيه=وأدوّنه لأهل الأدب والحضاره
وأرمز حروف القاف وأحكم معانيه=ويضيع منهو يدعي بالشطاره
وأن ماحكمة القاف ماني براعيه=ولاني بشاعر دام شعري خساره
يامتابعين الشعر هذي دواعيه=وكل ٍ على شعره يصدر قراره
واليوم أصّدر غاية القصد وأبديه=وأشفّر المعنى وأذيع إختصاره
وأبنسج الموضوع وأنعت مساريه=وأبين أوضاعي بصمت وأوقاره
صبرت مير الصبر جاب المشاريه=ومهما كتمت السد زاد إنفجاره
عزي لقلبٍٍ واهم الضيق حاشيه=لخبط عليه الوقت وأخلف مساره
يسهج عليه الحال جملة مناشيه=ويفوح صدره بين تاره وتاره
وياخذ مع الهاجوس شتا نواحيه=وعقب أنتظام السير بان أنعثاره
مدري وكيف الوضع تبدي مواريه=دام الزمان الشين زاد أنحداره
أمد حبل الوصل والناس تطويه=وأقدم المعروف وألقى أحتقاره
وأبين التقديري والعكس يثنيه=وأخذ تعجّب بالدهر وأندماره
على طريق الحق ما نيب غاويه=من فضل ربي دايماً بالصداره
لكن علي الوقت كثرة حكاويه=وكل ٍ على ما صار ولع شراره
وأصبحت أراجع في وماني وأداريه=ولا شفت شئٍ صار يجلب إثاره
لكن مدام الوضع مقصود تمويه=خل الضعيف يعيش ما من جداره
واليوم هذا العلم جاكم بما فيه=من شاعرن للقاف طاب إختياره
هجس المعني داخل الصدر يزويه=ويبيّن المضمون لأجل إعتباره
وتم الكلام المختصر في مبانيه=ومخـفّـي المقصود داخل عباره

ولكم مودتي وتقديري

النداااوي


عبدالرحمن الميموني

الاخ الغالى عبد لرحمن الميموني

صح لسانك وتسلم يداك

كتبت فأبدعت

تحياتي لك
خيك
خالد ابن هجيره

اقتباس:

أمد حبل الوصل والنـاس تطويـه
وأقدم المعروف وألقـى أحتقـاره
وأبين التقديـري والعكـس يثنيـه
وأخذ تعجّـب بالدهـر وأندمـاره

صـــــــــــــــــــح لسااااااااااااااااااااانك على هذه الرائعه

الله يعطيك العافيه

تقبل تحياتي

الله الله الله يالميموني

صح لسانك على هذه الرائعه

مبدع أنت بالفعل

صح لساااااااانك يالنداوي

جزله يالجزل ومن لا قال انك من العيار الثقيل مايعرف الشعر

تقديري لك

أحسنت أخي العزيز/عبدالرحمن الميموني أحسن الله إليك

شكرا لك سيدي الكريم على إتحافنا بهذه الرائعة الراقية جدا

صح لسانك ، وبيض الله وجهك ، ولله درك ، ولا فض الله فاك

دمت بسلام وسعادة وحب وألق أيها الأخ والزميل العزيز

أطرق بحور الشعر وأدْرِج خوافيه=وأدوّنه لأهـل الأدب والحضـاره
وأرمز حروف القاف وأحكم معانيه=ويضيع منهـو يدعـي بالشطـاره
وأن ماحكمة القاف ماني براعيـه=ولاني بشاعر دام شعري خسـاره

ونعم ونعم وسبعة انعاام فيك / ياعبدالرحن الميمونى
كفو والله وصح الله لساااانك وعزالله انك شاعر جزل ،، الله لا يضرك
ابيات راائعة وقصيدة شاااامخة ومن العيال الثقيل
فالله درك

من فضل ربي دايما بالصداره

كفوووو

الميموني صح لسانك ولا هان راسك

وافيه وجزله بيض الله وجهك

تقديري واحترامي