ليلة الهجوس

31-12-2016, 12:41 AM

بمناسبة زيارتي لبو بندر قلتها مع الطريق ويستاهل هالمتواضعه ابو بندر وربعه الطيبين

كان ماذي ليلتك يا هجوسي قل متى=لا تضيع فرصة العمر في دوكه وهات
مربعانيتك راحت وجا فصل الشتا=وانت من فرحتك بسهيل وافكارك شتات
معزبك ذالليل نشمي وطحطوح وفتا=للجزيله صحصح ان كان بعيونك سبات
ابو بندر مع ربا الطيب يرقا ويحتا=في سبيل المرجله لا يقيل ولا يبات
مع نِعم له موعدٍ كل ساع موقتا=كلما قالوا نعم رددو نعم /الميات
من ضراغم غابةٍ للعدا فيها عتا=فارضين وجودهم بالسيوف المرهفات
قاتلين الجوع يوم الشتا ذاك الشتا=مدهل الضيفان وقت السنين المعجافات
مامن الخايف ليا ضاقت دروبه واتا=راعته تفرخ ورا المطرقين الضامنات

هماليل ,صـدووودٓ ,شاعرة نجد و 11 آخرون معجبون بهذا

31-12-2016, 12:56 AM

صح لسآنك اخوي الهواوي

ويستآآآهل ابو بندر

ويعطيك العافيه

على هالرائعه

31-12-2016, 12:29 PM

ناصر الهواوي
ماعليك زود يابو عبيد
وبيض الله وجهك على تلبية الدعوه والقصيده
صح لسانك مليون يالجزل والله لايهينك
مبدع وجزل الله لايظرك
مروري واعجابي
يسبقه التميز
والتقدير

31-12-2016, 12:45 PM

ياسلام ياسلام ياالهواوي

صح السانك مليون ولا يكفون وافي ونخوك

وتستاهلون العود الازرق والشاذليه والشحم

وابو بندر يستاهل

ونعم بكم الثنين

مره اخرى صح السانك وعتلا شانك

تقبل مروري