آخر 10 مشاركات
|
|
|||||||
| تاج القصيد .. خاص بنزف شعراء رواسي نجد. بالأسم الصريح .. |
 |
| انشر الموضوع |
|
|
أدوات الموضوع | انواع عرض الموضوع |
05-12-2016, 05:46 PM
|
#1 | |
 
|
ردي على الشاعر سجين الرواسي
ردي المتواضع على الشاعر الكبير سجين الرواسي
امل اين يكون قد المقام وينال الرضى سجين الرواسي البارحه ما جف حبر أقلامي=باسباب حلم محمد الغنامي مبطي عن الاحلام يا ابو بندر=واليوم ودي استعيد أفلامي ادري مهو في يدَك ولا يدَي=لكن والله ماعلن استسلامي ذكرتني يا خوك عصر فايت=يوم ان قلبي بالوغى مقدامي الين ما جتني جيوش عظمى=فرقه جنوب وفرقةٍ بالشامي دريت بان الوقت ما هو وقتي=بمواجهة نظامـــه الإجرامي اصبحت في ورطه ولحد حولي =والموت خلفي والبحر قدامي لكن دعوة من صميم فوادي=على الجميل المجرم الحرامي اللي غزاني يوم ما لي حيله=رمية وجتني من عيون الرامي عساه يذكرني بكل احواله=ويزورني لو كان في احلامي المفرده تزهى جمال عيونه=لانه على ما قيل سر الهامي والليل يكسو جسمها من طوله=والجسم ممشوق بليا عظامي هذي وصوف ما راتها عيني=خيال يطرب له مقام سامي اسمي سجين وساجنن في صدري=حقايق ترفع لها الاعلامي يردني نفس تروم العليا=وايضا حدود بديننا الاسلامي في منتدى الابداع جيت اشارك=ما اجيت اكسر بينكم اقلامي مير اذكروا تاريخها يا اخواني=اخاف بكره بالفضا تنسامي هذي حلوم الشاعر يصورها=وانت اديب وماهر ورسامي ما ترسم الا صورة طرزها=ابداعك اللي ساحله مترامي جاك السوال اللي سبب مضمونه=قاف جذبني منك يا الضرغامي مير احفظ حقوقي ليا من غبنا=الوسم بين وانت درع حامي صحيح اسمي مبهم وعنواني=لكن ختمي بصمة الابهامي وختامها يا صاحبي هاجوسي=صحاه حلمك والمسلمين نيامي مضمونه الاعجاب وزن ومعنى=فيما يخط محمد الغنامي لي هاجسٍ فالماقف الالزامي=يلحم على جزل البيوت لحامي يرقا على راس الطويل النايف=ثم جات له مثل النضا درهامي يشفق لها لن جات ويوردها=على مثل هداج ورد الضامي يعلها من فيض لين تصدر=وتسرح بليا قيد ولاخطامي ليا زهمته ما اعتذرمن دوني=وليا زهمني جيت له مترامي شروا كريمٍ خصني في قافه=حرٍ على جزل البيوت قطامي يشكي من الهجران ومن الفرقا=ويرزم على مافات منه ارزامي اللي غزاه بجيش حسب علومه=ودمر قلاعه كنه تسونامي هذاك خله ياسجين يروح=لاتنشغل ياخوك فالاوهامي مادام باعك فالزمان الفايت=يبا يبيعك يا اجودي هالعامي خلك حصان ولاتخيب ضني=واحط لك فوق العدام خيامي لو ان للعشاق حكم وقاضي=بعض العرب يمديه حكم عدامي وانته سهيل اللي يفرح شوفه=نجمٍ ليا منه طلع مقدامي يفرح به القناص والكشاته=لنه نهايه فصل قيضٍ حامي وانا اعرف انك حر م انته وكري=دايم ومخلابك حديد ودامي لو غرتك دنياك كم من ليله=مثلك صحى حتى عقب مانامي في منتدانا ماتضيع حقوقك=حتى لو انك سئي الهندامي وحنا نصون الجار والطرقيه=ونحفظ حقوق الغرب والارحامي مافات مات وقد نسيته كله=حتى لو انك خصم ومن اخصامي اطلق قيودك ياسجين الشيمه=في سد وجه محمد الغنامي |
|
 
|
|
05-12-2016, 05:56 PM
|
#2 | |
عازف القوافي
|
جزل جزل جزل
صح لسانك و علا شأنك حماك الله ورعاك ومتعنا بجل جديدك و أبقاك تقديري و مودتي و تحاياي |
|
|
|
|
05-12-2016, 06:22 PM
|
#3 | |
  ] . .
|
الله الله عليك يامحمد
صح لسانك يالجزل رد وافي وكافي يعطيك الف عافيه تقبل مروري واحترامي |
|
|
|
05-12-2016, 06:27 PM
|
#4 | |
 
|
الله الله يابو بندر
ابياااات جزله والله يزيدك من فضله لاهنت ياخوي على القافيه الكايفه ودمت مبدع .." |
|
 شموخَ وآيليهَ / ولىَ الأبدآع والجمآلَ وجهُه شطرَ أنآملكِ ⚘
|
|
05-12-2016, 06:54 PM
|
#5 | |
 
|
الله الله
ياسلام عليك وصح الله لسانك مدد بلا عدد كفيت وفيت وابدعت رد شافي وافي بيض الله وجهك جزاله غير مستغربه من الشاعر محمد الغنامي دمت ودام مداد قلمك ورقي حرفك تقديري وتقييمي لسموك + بنر يعتلي الصفحه الرئيسيه النجلاء |
|
 مصممتنا المبدعه والمتألقه رحيل الف شكر لك ع التصميم الرائع
|
|
05-12-2016, 07:18 PM
|
#7 | |
|
كفو والله يا محمد بيض الله وجهك رد وافي من وافي وصح لسانك الف ولا يهون سجين الرواسي كلكم مبدعين
ودي تقديري واعجابي لسموك لا هنت |
|
|
|
|
«
الموضوع السابق
|
الموضوع التالي
»
العرض العادي
|
|
