ألملمها من اعماقي ~يوتيوب

أنا الأعمى على شاطي جمــوح القافــية رحال عيون الشـاردة فكـري وجــزلي نور ترحـــالي يقدّيني وانا بين المشاعـــــــــر فارس و خـيّال على هام الشجـن حرفي فرس والقــــاف خيّالي أصايل من بنات افكـاري و عمــري لها منزال تسامَـر بين احاســــيسي وهي للــروح منزالي اجي لبحــورها الفكــرة واحط جبال فوق جبال على هام الشعــــــر يرقى بفكري نايف جــبالي يمشّـيني على كيف الشعــور و كيفها الأحـوال على مركب شجـن عمري مجاديفي من احوالي وانا ما بينها امواج الشعــــور وفكري الســيّال يجي قاافي مطر يحـيي شجــونن دوم ســــيّالي أكرع في مســــاييل الشجـــون و عذبهــا زلاّل تساكـــــبني نغـــــم قافـــن جزيله سِـــيل زلاّلي وانا وان ما روت روحي فرات الشارد الهمّال جمعت من الشوارد جيش للعذبات همّــــــــالي وجيت لمتحفة فكــــري وعشقي ساطي و قتّال دخيل عيونها والشـــــــــــــوق سلاّبي و قتّالي ألملمها من اعماقي وابعثرها بجـــــــوف البال واكبكبني وله فيها وتملى فكـــــــــــري و بالي فريدة جيلها بنت الخفوق العاشق المخـــــــتال قَسَم من حسنها روحي على الخفاق تخــــتالي أناديها تعالي من شــــجــوني يا مـــــنار الفال تعالي بينهـــــــــــــــم كل المشاعر أطيبه فالي تحـدينا أنا ويّا المحـــــاني منهو المـــــــــــيّال لقـيتك في حشــى روحــي و قلــبي دوم ميّالي لقيتك فيني النور و لقيتك أبهــــــــــج الآمــال ولقـيتك فيني اعمــاقي و عمري و اكبر أمالي أنا يا أنتي او أنتي أنا يا حـال حـال الحـــــــال يحبونك ســوا قلبي وروحي حلّي و حـــــــالي أنا الأعمى على شاطي هيامي مغــرم و رحال حياتي بينها عيونك مسافــة عمــــــر ترحـــالي مـاجــــــد بن رتـيـق

عبدالله الصقري ,صـدووودٓ ,المصممه الوايليه و 6 آخرون معجبون بهذا

مـهـا ,محمد الغنامي ,الملكة ,غنجَ ,النجلاء ,الشموووخ

ياسلام الله عليك.
ابيات جميلة جاءت على الطرق الهزج بها احساس
وجمال في المعاني وقوة بناء صح السانك شاعرنا سعدت من
خلال مروري من خلال متصفحك الجميل وبالشعر المعتق برواح الجوري
دام العطاء والنبض وصح السانك شاعرنا

ماجد بن رتيق معجب بهذا

/

صح لسانك ملايين شاعرنا
أبدعت وأمتعت
قصيدة رائعة تجسد فيها الغبدآآع
نسجت بــ الإحساس العذب والشعور المرهف

سلمت ولاهنت

/

ماجد بن رتيق معجب بهذا

الله الله
ياسلام عليك وصح الله لسانك ملايين
كايفه ونايفه وجزله
ابدعت شاعرنا وشهادتي فيك مجروحه
دمت ودام مداد قلمك ورقي حرفك الفاخر
تقديري وتقييمي لسموك
النجلاء

ماجد بن رتيق معجب بهذا

صح لسانك يالجزل
مبدع مبدع شاعرنا
لاهنت

ماجد بن رتيق معجب بهذا

الله الله صح لسانك واعتلا شانك ي مبدع ~
ابيات في قمة الروعه والجزاله ~
ودي وتقديري لبوحك العذب ~

ماجد بن رتيق معجب بهذا

صح السااانك ابيااات
ولدت من بطن غيمه
لتحيي رميم الشعور
لاهنت ايها الجزل ودمت بذلك الابداع واكثر .."

ماجد بن رتيق معجب بهذا

الله عليك يالمبدع صح لسانك ولا هنت
ابيات وقلم جميل
يعطيك العافية شاعرنا الكريم

.

ماجد بن رتيق معجب بهذا