ياراكب اللي عديماتٍ تواصيفه

هاذي قصيده موجه لي من احد الاخوان,كان نداه (الشامخ)على جهاز النداء الآيكم
وانا اعتبرها من اقوى القصايد على الاطلاق ,من حيث المعنى ,والتصوير ,وقوة الشاعريه
اليكم قصيدة الشامخ

ياراكب اللي( عديماتٍ تواصيفه)=(آخر موديل السنه) ومقفل أنتاجه
(كل المصانع ) مشاركةٍ بتاليفه=(وخبيره الروقي) اللي يضحك حجاجه
(محركاته) على( الميراج) تصنيفه=وزودٍ علاها( الدبل) أن جات له حاجه
(البيت الابيض) رسم بديه وتكليفه=(وألمانيا) حطت الكتلوج بأدراجه
ومن( طوكيو ) كملوا صنعه وتكييفه=(وأيران) شارك بسجاده وديباجه
والشاص (صنع السعوديه) وتغليفه=على تضاريسها ضمنٍ من العاجه
أعلن( ولد روق) بأنتاجه على كيفه=من يوم ماحس (بالتمرين بطناجه)
(وكل الخليج اشترك) في حفل تشريفه=(والاتحاد الاوربي) لبّسه تاجه
(سواقه النشمي) اللي مكرمٍ ضيفه=لاهوب نصاب ولا رجله بدواجه
ولاهمه الوقت لو زادت مصاريفه=يصبر لجور الدهر والطيب منهاجه
يلفي على أبوجزاء في دارٍ مريفه= واليا لفيتوا على ترحيب ومواجه
تلقى بيوته بعال الحي ومنيفه=وابها رجالٍ تسر القلب وعلاجه
أعد أنا أبو جزاء الزير وسواليفه=اللي يسولف بها مع كل هراجه
عساه يسلم من الدهر وصواديفه= هداج تيماء غزيرٍ تصفق أمواجه
يقولها اللي وقف حزة مواقيفه =مع أهل الوفاء عرف مدخاله ومخراجه

الشامخ

الملكة ,محمد الغنامي ,خيال مطير معجبون بهذا

الله اكبببر ..


عز الله انه شاعر .. ومسندها على كفو

تصوير وتركيب .. ومعنى كلها ابداع

سلم منطوق شاعرها .. وسلم كف ناقلها

كنت هنا ..

صح لسان شاعرها وناقلها

كفو يابو جزاء

وصح لله لسان شاعرها

كفو والله .. صح لسان شاعرها
وصح لسانك يابو جزاء على النقل القصيده ،،

الله الله
صح صح لسان شاعرها
انا اشهد انه جزل ومبدع لا ابعد الحدود
وانت كفو يابو جزاء وتستاهل
مروري وتقديري
الله لايهينك

صح لسان شاعرها
ولا هنت عايض على جلبك الرائع
يعطيك العافية

اقتباس:

المشاركة الأصلية كتبت بواسطة سامي الغنامي

الله اكبببر ..


عز الله انه شاعر .. ومسندها على كفو

تصوير وتركيب .. ومعنى كلها ابداع

سلم منطوق شاعرها .. وسلم كف ناقلها

كنت هنا ..

صح بدنك بالنيابه عن الشاعر ,,ولاعليك زود طال عمرك
صحيح شاعر كبير بكل ماتعنيه الكلمه . ومتمكن الى ابعد الحدود
وصاحب مواقفٍ مشرفه تبيض الوجه الله يبيض وجهه
الله يسلمك من كل شر ي سامي ..اسعدني وشرفني مرورك لاهنت
تحياتي وتقديري لك