تدري وش اللي مـا تجـي بالملاييـن

اسمع كلامـي زيـن واستذكـره زيـن

اهجر ذلـول النفـس واقصـر رسنهـا

*

انت ادمـي مالله خـلـق لـك جـناحـيـن

لاضاقــت الــديــره تـنحـيـت عـنـهــا

*

مـا فــاز بالدنـيـا يـقـع راعــي الـديـن

عـساك يـا اللـي تســمـع القـول منهـا

*

اهديـك نـور العـيـن يــا قــرت العـيـن

اعمـارنـا مـا عـنـدنـا الـلــي ضمـنـهـا

*

نطـمـع نبـي نبنـي قــصـور وبساتـيـن

ونـروح مـانـدري مـن اللي سـكـنـهـا

*

تـدري وش اللي مـا تجـي بالــملاييـن

العـافـيـه لا صــرت مـحــروم مـنـهــا

*

وتدري وش اللي حـدهـا حـد سكـيـن

الحاجـه اللـي مـا نـت قــاوي ثمنـهـا

*

وتدري وش اللي ما توفي لها الدين

الـلـي غــذاك بـصـغـر سـنــك لبـنـهـا

*

وتدري وش اللي راجحـه بالموازيـن

سجـدة سحـر لا نامـو الـنـاس عنـهـا

*

تدري وش اللي ما يهاب السـلاطـيـن

لا زارهــا غــطــو عـلـيـهــا كـفـنـهــا

*

وتدري مـن اللـي يطعـنـون المقـفيـن

سـود القـلـوب الـلـي تـوقـد ضغنـهـا

*

يغنيك عن رفقـة ضعـوف ومساكيـن

سـجـة قــدم بـديـار مـحــدا سكـنـهـا

*

ويغنيـك مـن نضـم القواصـيـد بيتـيـن

تـازن معـانـيـهـا وتـحـســن لـحـنـهـا

*

كـم شـاعـرا ولــف قصـيـد ودواويــن

لـيـتة قـبـل يـتـعـب عـلـيـهـا خـزنـهـا

*

واخـر سـؤال وجـاوبـوا يـا مسلمـيـن

امــة محـمـد كـيـف يـسـلـب وطـنـهـا

*

تـدري متـى نـقـدر نـحـرر فلسطـيـن

لا عـــادة الامـه لـمـاضــي زمـنـهــا

*

شعر صالح محسن العروي الجهني

اعجبتني

وحسب ماوجدتها نقلتها لكم

الملكة ,صـدووودٓ معجبون بهذا

الله الله
صح لسان شاعرها وتسلم يمينك على نقلها لنا
قصيده كايفه ونايفه وجزله لاتصدر الا من شاعر جزل
تقديري لسموك
ويستاهل الشاعر ختم التميز
النجلاء

مساعد
تسللم ع روعةة اختيارك
لاعدمناا جديدك الرااقي والمتميز
لك تقديري وتقيمي لجهودك هناا
لـ روحك ورد الجوري

مساعد الجليدي
صح لسانك وصح لسان شاعرها
مرروري وتقديري
لاهنت

ابيات جميله
صح لسان شاعرها ولا هنت على نقلك مساعد
يعطيك العافية

قصيده اكثر من رآئعه

قمه في الجزاله والجمال

أبدعت وامتعت مساعد الجليدي

واحسنت الاختيار

تسلم اناملك ويسلم ذوقك الراقي



وتستاهل ختم التميز