ليه التغلي ليه

ارشيفيه للتواصل

من يوم غاب اللي هنا محتويني=
ازريت اكافح ضيقة البال ياسعود
وعجزت أعالج في جروح السنيني=
لاقلت طاب الجرح يومين ويعود
كله سبايب من ابيه ويبيني=
وصار الوصل من بيننا شبه مفقود
مافيه يوم الا انتظرله يجيني=
واسهر طوال الليل والعالم رقود
ولآهو على كيفي ولا في يديني=
غلاه مايحتاج لإثبات وشهود
صورته دايم ثابته وسط عيني=
وله مكانن داخل القلب موجود
وقساوة الايام عيت تليني=
والصبر له مقدار والعمر محدود
كفايه اللي صار لاتعذبيني=
ليه التغلي ليه ياناعم العود

صح لسانك ولا هنت ولد روق
كلماتك جميله الله يعطيك العافية

صح الساااانك ايها الجزل
ابيات مناداه وقافيه تناشد الغايب
بأتزان سلمت ولاهنت ايها المبدع .."

صح لسانك ملايين
ابيات جزله وكلها فخامه
يعطيك العافيه
تقبل مروري واحترامي لك

صح لسانك ولدروق

متابع لك يعطيك العافيه

صح بدنك وربي يسلمك ي الملكه

صح بدنك ولاهنتي ي غنج

صح بدنك ربي يسلمك ومشكوره على التنسيق ي المهره