شيلة الضلع المنيف كلمات مشعل حسين المرشدي اداء ناصر السيحاني ...

أمس العصر ساقتني الذكرى على الضلع المنيف ..
وجهت له يوم انحايا وجهت بي يمته ..
عديت به والصدر متضايق وأنا حالي كسيف ..
هيجنت بأعلى الصوت حين اني رقيت بقمته ..
قامت بيوت الشعر تطري كل بيت له رديف ..
لين اكتمل مضمون لولو والقصيده لمته ..
كله على شان الهنوف اللي تربت في عفيف ..
اللي على القلب اركت الميسم بعد ما حمّته ..
أم الحلا وأم الدلع والجيد والخصر النحيف ..
وأم العيون اللي هدبها يرتبك لاضمته ..
كانت تقابلني وأقابلها على الحب الشريف ..
دلو المحبة بيننا محدٍ يعكّر جمّته ..
ولا يفرقنا شتا ولا يفرقنا خريف ..
على اللقا كلٍ من اللهفه يجدد همته ..
أنا وهي طول الزمان الرقم الأول والوصيف ..
أكتب لها ورد الغلا ويفوح لامن شمته ..
واليوم فرقنا الزمن وراحت ولطفك يالطيف ..
عقب الصغير اللي وهبه الله وبإسمي سمته ..
هذي مقاسيم الحياة وغلطة العقل النظيف ..
اللي تمادى لين عسرات الدعاوي خمته ..
ودك ليا منه جمعك الحب بالغض العفيف ..
تغانم الفرصة مادام العود بأول زمته ..
هذا هو اللي جابني لمعانق الضلع المنيف ..
وأسرار قلبي جعلها من ذمتي في ذمته ..



__________________________________

الله الله ما اجملهاااااا
روووووووووعه كلماتها
ناصر ما اجمل صوووتك
خيال تسلم يالذوق

ي سلام


إبداع




تسلم اخوي على الطرح الجميل

مهما سمعت هالشيله ما امل منها
سلمت يداك ولاهنت ياخيال مطير
دمت بخير

روووعه
صح لسان الشاعر مشعل
وصح لسان منشدها ناصر
وصح نقلك وذووقك خيال
تحياااتي الك

صح الله لسان المرشدي
وصح صوت السيحاني المبدع
وتسلم يمينك وذوقك ع نقلها لنا
تقديري لك
النجلاء

اله يسعدكم ويفرحكم
والله يعجز لساني عن الشكر
بيض الله وجيييييييهكم أعضاء منتدان اا الراقي ~~~ مشكورين ~~~~~

شيله رائعه
يسلم ذووقك ياخيال
يعطيك العافيه
تحياتي لك