مجد بغداد ،،!

مجد بغداد ..!

بسم الله الرحمن الرحيم ،،
سلام عليكم ورحمة الله وبركاته ،،
اسعد الله مساكم وصباحكم لكل خير ،،

يـاذا القمـر كـل النواظـر بـك حـداد
سهيرة ً تـرقـب حـسـاب النجـومـا

مابيـنـهـا ومـابـيـن الافــكــار وراد
زواهــج ٍ تجـهـز عليـهـا الهـمـومـا

مـاردت الخاطـر علـى خيـر الاسنـاد
روابـع ٍ مـمـزوج معـهـا السهـومـا

ليـن أبحـرت كـل الروابـع بالاجـهـاد
تدحـم غزيـر المـوج مـعـه وتعـومـا

قامـت تفـرق فالحشـاء كـل مــاراد
شـي ٍ تزيـد بنـاه وشــي ٍ هـدومـا

يادبـرة الله كـيـف تقـريـب الابـعـاد
الـي تـدوم مـع الذكـر حسـن دومـا

عشنـا مـع الايــام نـقـوى ونــزداد
عـلـى الشـدايـد بالعـزايـم نـرومــا

نصـارع تضاريـس الليالـي والانـكـاد
عـل السمـا دايـم سـحـاب وغيـومـا

ناخذ ونعطي الحق مـن بيـن الاجـواد
وننـطـح نـحـور الكـايـده بالعـزومـا

والمـجـد يبـقـى فالتـواريـخ مـابـاد
أمـجـاد لأحـفـاد المـراجـل تـزومــا

ويمكن يضيع أن ضاعوا الدرب الاحفاد
جبـر الزمـن منـه الهـقـاوي تهـومـا

هيهـات يـادار السلـف كـان الاعمـاد
مـن علوهـا بـوم الخـرايـب يحـومـا

وين الرجال الـي علـى الحـق شهـاد
علـى النقـى الرايـه تـعـز وتقـومـا

يـادار ويـن الـي لهـم بـأس وشـداد
أهـل العـزايـم قاهـريـن الخصـومـا

نمـرود والحـارث وعنتـر هـل المـاد
ويـن المهلهـل مبـعـد ٍ كــل حـومـا

وين القصور الـي علـى العـز تنقـاد
الذكـر بـاقـي وأخلفتـهـا السمـومـا

ماوقفـت الدنيـاء علـى مجـد بـغـداد
الـي تـوارى عقـب ذيــك القـدومـا

ياما أستقر فيهـا علـى الخيـل ميعـاد
غــارات نـصـر واقـعـات مهـزومـا

ويادار كسرى هل بقى ذكر وأمجـاد
والا كــذى الايــام مـاهـي تـدومـا

ماكن قد حـارت بـك عقـول الاضـداد
ولادارت بـك رجـال حـرب وسلـومـا

ولاعاشوا الرومان فـي خيـر وامـداد
لو عـاش قيصـر لجـل تمجيـد رومـا

دنيا ً بها الحاضـر غـدى فيـه الانفـاد
تستـيسـره لــو طـالـت بــه الحلـومـا

يطمع بها الخايـب علـى كـل ماسـاد
والا عـزيـز النـفـس عنـهـا يشـومـا

لـعـل طامعـهـا لضيـقـات الالـحــاد
ومالـه نهـار الهـول شفـق ٍ رحـومـا

#خالد_العبيريد

الله الله
ياسلام عليك وصح الله لسانك ملايين
ابدعت وامتعت ولاهنت شاعرنا الرائع
دمت ودام مداد قلمك ورقي حرفك
تقديري وتقييمي لسموك
النجلاء

صح لسانك اخوي خالد وبيض الله وجهك ماقصرت

صح لسانك ولا هنت شاعرنا الكريم
كلمات رااائعة

اقتباس:

المشاركة الأصلية كتبت بواسطة النجلاء

الله الله
ياسلام عليك وصح الله لسانك ملايين
ابدعت وامتعت ولاهنت شاعرنا الرائع
دمت ودام مداد قلمك ورقي حرفك
تقديري وتقييمي لسموك
النجلاء

مرحبا ومسهلا النجلاء ،،

صح الله بدنك وصح كلك ولاهنتي ،،

الابداع كله في حضورك وحسن اطراءك ،،

تحياتي وكل تقديري لك .

اقتباس:

المشاركة الأصلية كتبت بواسطة الطير حوران

صح لسانك اخوي خالد وبيض الله وجهك ماقصرت

مرحبا يالطير حوران حياك الله ،،

صح الله بدنك وصح قلبك ولاهنت ،،

وجهك ابيض وبارك الله فيك ،،

لك كل التقدير والشكر .

اقتباس:

المشاركة الأصلية كتبت بواسطة الملكة

صح لسانك ولا هنت شاعرنا الكريم
كلمات رااائعة

هلا يالملكه حياك الله ،،

صح الله بدنك وصح كلك لاهنتي ،،

تحياتي وتقديري .

الله الله
خالد العبيريد
صح لسانك مليون ولا يسدون
نص فاخر فاخر وجزل لابعد الحدود
وليس غريب على شاعرنا الجزاله والابداع
سجل مروري المتواضع امام شموخ متصفحك
ولك مني اجمل وارق التحايا