رعد الشمال

رعد الشمال بقاذفات اللواهيب
جاتك يابشار الطغى والمسبه

عطوك مهله بس ماتفهم العيب
إﻹ الحمم من فوق راسك تصبه

تفهم لغتها ياردي الهناديب
ماعاد به طاروق تقدر تذبه

سلمان سلمان العرب والمواجيب
حامي حدود الدين ومطيع ربه

الراي من راسه بعيد المجاذيب
ماهوب بشار النصيري ودبه

رعد الشمال يقودها كاسب الطيب
ودارك يابو وجهين يبا يطبه

هدت صقوره عنك مافيه تجنيب
لو كان من دونك ثمانين غبه

والله ماتنجيك كثر السراديب
والله ليشف الكبد ويسد دربه

الطاغيه بالحيل يحتاج تاديب
من حربتن فالحرب ياوي حربه

راسك هو المطلوب ياراعي الريب
راسك عن المتنين يبا يجبه

ست أسنوات يحاولون المناديب
بطيب وانت الحرب فيهم تشبه

ايران مع نصر النجاسه مهاذيب
يمك بعد ما الفار عبك لعبه

يوم انهزمت من الرجال المعاطيب
نخيتهم .. ولكل .. منهم تنبه

تجمعو حولك كبار العصاليب
والظلم عمره طول عمرك تحبه

واليوم جاك اللي عطيب المضاريب
سلمان سيفن بالقا .. ينضربه


علي محمد الجش المطيري

خيال مطير
صح لسانك وصح لسان الجش
ويستاهل سلمان الحزم بالتفاخر به
جعله الله نصراٍ للأسلام والمسلمين
ونصر الله جنودنا المرابطين في الجنوب وفي الشمال
مروري وتقديري
لاهنت

وماذا يمنع أن تنجو ل في صفحاتك
ونتمتع بيما يزرعه قلمك من فن وابداع
متقن تقبل مروري وشكري.

خيال مطير
انتقاء جميل ومميز
يسلموو على الطرح
يعطيك العافيه اخوي
احترامي لك

يعطيكم ربي العافيهه , مشكوررين لاعدمـــــــــتكم ..