آخر 10 مشاركات
|
|
|||||||
| مجلس شعراء رواسي النبطي .. ₪ مرسى المجلس لشعراء رواسي النبطي₪ .. |
 |
| انشر الموضوع |
|
|
أدوات الموضوع | انواع عرض الموضوع |
26-02-2016, 10:48 PM
|
#1 | ||
  ] . .
|
حمد بن سايمه ضيفنا في قوافينا الشعريه
|
||
 
|
|
26-02-2016, 11:25 PM
|
#2 | |
|
.
.. مسـآء الشعر.. وَ أعذب القصيد .. احاسيس دافئـه تجبرنا على الاصغاء تزخر بكثير من عذوبه لتحاكي مشاعرنا ولنعيش طقوسها بتفاصيلها وتناقضاتها لنبحر معها حد الغرق احاسيس يترجمها نبض قصيـــدة..!! من هنا وفي كل مرهـ سنكون في ضيافـة عضو سنبحر معه لننتشي عذب المشاعر وأروعــهآ ونستمتع بعذب ذائقته الشعريـة ليقوم بدورهـ وبعد انتهائه باختيار عضو اخر يكمل رحلتنا تلك و يمتعنا بروعـة اجاباته على الاسئلـة التاليه.. يا مرحبا بكم واسعد الله مساكم والله يشرفني ان اكون ضيفكم وعسی الله يجملني عندكم وانا سعيد بتواجدي في هذا المنتدی الراقي واعضاءه المبدعين والله يحييكم علی العين والراس 1- متى كانت بدايتك الشعريه ؟!! بسم الله الرحمن الرحيم وبه نستعين بالنسبه لبدايتي الشعريه بديت كتابة الشعر من المرحله المتوسطه يعني من قبل حوالي عشر سنوات. 2- ماهي علاقتك بالشعر ؟!! علاقة بالشعر الشعر اعتبره متنفس لي من زحمة الدنيا ومشاكلها وهمومها 3- من هو شاعرك المفضل ؟!! شاعري المفضل الساحه مليئه بالشعار المبدعين ولعل الشاعر سعيد بن دوغان ال مطارد اليامي رحمه الله هو اكثر شاعر تأثرت واعجبت باشعاره منذ الصغر 4 _ ماذا يعني لك شعر الغزل ؟!! شعر الغزل انااعتبر نفسي من المقلين في كتابته ولكن يبقی من اكثر اغراض الشعر يهتويه المتلقي والجمهور ومثل ما قيل الغزل ملح القصيد 5- قصيده تهديها لشخص معين ؟ !! اهدي بيتين من الشعر لاغلی شخص في الكون وهي الوالده اطال الله في عمرها لي رحت عنها ردني صووبها الشوق ومن الوله قبلتها في قدمها سهم المحبه لاجلها مرتفع فووق امي العزيزه جعلني ما عدمها يالله عسی يبلاني الحسر والعووق ان كان مااصبح واحدن من خدمها 6 - هل لديك اجواء معينه لكتابة القصيده ؟ !! بالنسبه لاجواء كتابة القصيده لاشك انه لابد من تفرغي لكتابتها وان اكون بمعزل عن الجميع واكون لوحدي 7 - هل قصائدك من الواقع أم من وحي الخيال ؟ !! بالنسبه للقصايد فيه قصايد اكتبها من الواقع ولها مواقف وفيه من واقع الخيال 8 - هل شاعريتك وراثه آم انها موهبه ؟ !! 5555555555 بالنسبه لشاعريتي فهي موهبه من الله وانا كنت هاوي للشعر قبل لا اكتبه 9- اعضاء في رواسي نجد تثق في ذائقتهم الشعرية ؟! بالنسبه للاعضاء وذائقتهم فالجميع بكل امانه اشوف انهم متذوقين للشعر بدون استثناء احد 10- بيت شعر يحضرك دائما ؟!! بالنسبه للبيت اللي يحضرني دائما فهو بيت للشاعره بخوت المري وجودي علی بيت الشعر خرب بيت الطين ووجودي علی شوف المثل من وری الحره 11- قصيده تعدها من اروع القصائـد بالنسبه لك ؟!! القصيده اللي اشوفها من اروع ما كتبت هي خوة الطيب تجاره ومعدنها ثمين ما تغيرها الليالي ولا تذهب سدی ما يروح العيش والملح بين الطيبين ولانسی المعروف من كان ممشاه بقدی الصديق اللي يوقف وبالشده يبين والعدو معروف يحسب مع جيز العدی من يخلي صاحبه عند ميلاات السنين جعل ماله وسط دنياه لا حس وصدی ويش عذره لي بقی منه مكتوف اليدين ما لقی منه مسره ولا حيل وجدی المكارم والوفا من وصوف الغاانمين يكرمون من الهزيله وهفوات الردی النقا والصدق والطيب والفعل السمين سلم عطران الشوارب بعيدين المدی وسلامتكم 12- قصيده تتمنى لو كنت اللي كاتبها ؟!! بالنسبه لقصيده اتمنی انها لي قصيدة سعد بن جدلان (خارطة الطريق) 13- قصيده اثرت عليك في مضمونها ومنهو شاعرها ؟!! القصيده اللي اثرت فيني قصيدة الرثاء للشاعر والفارس نمر بن عدوان في زوجته وضحی البارحه يوم الخلايق نياما 14 - امتعنا بقصيدة على ذوقك ؟! " عزي لقلبن ضامه الهم وأشقاه يشكي من الضيقه وحاله شقيه خانه زمانه والشقی حل بحماه دنياه مالت به مع كل فيه جرحه عميق ولا تحصل له دواه كوااه صلف الوقت وانضج كويه ومن عادته مايشكي هموم دنيااه علی الوجيه الخايبه والرديه شكوااه للي طيب الوجه والجاه سبحانه المعبود رب البريه سبحانه المعبود مكثر عطاياه ما خاب من هو مخلصن له بنيه ولاخاب من هو في دجی الليل ناجاه وصلی الصلاة وتبع منهج نبيه طالبك يا ربي سماحه ومرضاه اغفر خطا نفسي وارضی عليه اسين يا قلبن زماانه تجافاه من خلقته ما ذاق شربه هنيه يقنب كما ذيبن عوی في معشاه شدواا عزيبه وابعدوا بالرعيه ولا هو يجيب الهم له والمعانه والضيقه اللي فيه صبح وعشيه الا الكلام اللي من الخلف يقفاه ولا العلوم الهازله والرديه لي جات من شخصن يعزه ويرفاه تجرح ضميره مثل جرح الشظيه ولاله سوی يصبر علی حر ماجاه والصبر عزن للقلوب الشقيه ولا احدن يعرف اللي تكنه خفاياه كشف الخفا للناس اكبر خطيه بعض البشر يامحلا وقت فرقااه فرقاه عيدن مثل عيد الضحيه لي صار مايخلص مع النااس صدقاه ولا ينثني وقت القسا مع خويه هذا ومثله يا هل العرف ما ابغاه وعزي لشخصن عاش ما له هويه وبعض البشروجدي علی الموت ينصاه ويا جعل ما يخطيه سهم المنيه راعي النميمه والسواليف تشعاه ثرثار في المجلس ويصنع قضيه ياجعل من يسعی وری الشر يلقاه عند العرب يظهر ويكشف خفيه وسلامتكم وانتوا تستاهلون اكثر - لك مساحه بلآ حدود وحرية بلا قيود وفي الختام لا يسعني الا ان اشكركم جزيل الشكر علی استضافتي واعذروني علی القصور وفي امان الله وحفظه وَ أخيراً .. من تريد أن يكون ضيفاً في قوآفينا ؟ اتمنى ان ينال اعجابكم المهره الاصيله |
|
|
احتزمنا للمقادير بالصبر الجميل
بين صكات الليالي وميلات الدهر ولارضينا الذل لارحم ابو جد الذليل الصديق نفرحه واالعدو يلقي القهر اتشرف بالجميع....
التعديل الأخير تم بواسطة مهرة يام ; 27-02-2016 الساعة 01:53 AM
|
|
27-02-2016, 01:54 AM
|
#3 | |
] . .
|
ابن سايمه
يعطيك العافيه على الحوار الممتع والاجوبه الرائعه استمتعنا كثير معاك احترامي لك |
|
|
|
|
27-02-2016, 10:50 AM
|
#4 | |
  
|
آلله آلله
صح الله لسانك يابن سايمه لقاء ممتع واجابات رائعه استمتعنا بلقائك المميز والشكر موصول لمراقبتنا الغاليه مهوره ع الاستضافه وان شاء الله نلتقي فيك بمواضيع اخرى لاهنت شاعرنا على اجابة الدعوه والحضور تقديري لك النجلاء |
|
 مصممتنا المبدعه والمتألقه رحيل الف شكر لك ع التصميم الرائع
|
|
27-02-2016, 10:54 AM
|
#5 | |
|
الله الله
صح لسانك يابن سايمه ولاهنت على الحضور الجميل والاجابات الاجمل كنت ضيف كم تمنينا ان تطول استظافته ولاكن كلنا امل في استظافات اخرى والشكر لصاحبة الاستظافه على الاختيار الجميل دمتم بخير وسعاده |
|
|
|
«
الموضوع السابق
|
الموضوع التالي
»
العرض العادي
|
|
