مساحه خاصه لقصائد حمد البريدي,قصائد حمد البريدي, ,,,,

شاعر يمتلك آحساس مميز شاعر مختلف ظهر على الساحة الشعرية مؤخرا متألق في جميع قصائده سواء عتـاب أو غزل أو هجاء أو فخر أو أو .... شاعر ملفت للإنتباه له جماهيره الغفيرة التي تنتظر في كل مرة جديده .. وبشغف شاعرنا الراقي المبدع دائما حمد البريدي .. أحببنا أن نضع له هذه المساحة الخاصة التي لاتسع الا له فقط ..! ولقصـائده المقروءة والمسموعة .. أتمنى أن تشاركونا هذا العمل الذي لايكتمل الا بتواجدكم ومشاركاتكم بقصائد هذا الشاعر .. السيرة الذاتية : الشاعر / حمد بن عبدالله البريدي المري ( شاعر قطر ) متميّز بَ شاعريته المختلفهة؛ ذات الطابع الممزوج بالتقليدية في الطرح .. الحداثية في المفرده .. والعميقة في الوصف له العديد من القصائد المُنوعة المَكتوبة ؛ والقَصائِدالصوَتيِّة من دواوينِه الصوتيِّة/ شحنة شرف - سحايب وقد شارك في برنامج ( شاعر المليون ) مؤخراً

الملكة معجب بهذا

قالوا الشقا وشهو الشقا قلت الشقا .. ظلم السنين
( احد يمر ويتعبه ) !! ( واحد يمر ويقهره ) !!
قالوا الحزن وشهو الحزن قلت الحزن .. دمعة وعين
احد قوي .. ويصطبر .. واحد تبلل محجره !!
قالوا الوفا .. وشهو الوفا قلت الوفا .. مسالم يدين
واللي يغدر فصاحبه .. عاد الليال بتغدره !!
قالوا الجفا وشهو الجفا قلت الجفا قسوة ولين
يما تغلى صاحبك .. يما ملقيك ظهره !!
قالوا الوصل وشهو الوصل قلت الوصل ماله وزين
يبري جروح ما برت .. والعفو عند المقدره
قالوا الامل وشهو الامل قلت الامل .. في نظرتين
احدن يحاول يكسبه .. واحدن يخاف ان يخسره !!
قالوا الرجاء وشهو الرجاء قلت الرجاء .. قلب حزين
يمشي على تراب الامل ,, ويخاف لا يسفى ثره !!
قالوا الوجيه اشهي الوجيه وقلت هي من جانبين
( وجه يزينه العفاف ) .. ( وجه زين بمظهره ) !!
قالوا الحكي وشهو الحكي قلت الحكي .. ما بين بين
خير الحكي ما قل دل .. وزبدة القول ( ثمره )
قالوا الخجل وشهو الخجل قلت الخجل بالعام زين
( بس الخجل لا صار دون الحق .. خزي ومحقره )
قالوا الزمن وشهو الزمن قلت الزمن في ساعتين
ساعة طرب نفس وهوى وساعة خشوع وتذكره
قالوا الغلا وشهو الغلا قلت الغلا .. حب دفين
والحب لا قدهو حقيقه ودك انك تستره !!
قالوا الخطا وشهو الخطا قلت الخطا الله يعين
احدن ما لاخطاءه عذر واحدن ليا اخطا تعذره
قالوا المره وشهي المره .. قلت المره ضلع لدين
يبقى على طول آعوج .. من جاء يعدله كسره
قالوا الرجل وشهو الرجل قلت الرجل في حالتين
ابختصرها والذكي لا جاه حكيي فسره
( رجل سليط وكلمته ماهي تغدي لك كلمتين
ورجل مع العالم رجل .. لكن مسيرته مره !! )

’،

الملكة معجب بهذا

ويش انت تبغي بي .. معا طاري النوم ؟!
طيفك يبيتني .. ولابـه منااعـه ..!
احط خدي شوي واطريك . . . واقـوم
ويغزي السهر عيني ولآبه .. فراعـه
اسري وادور خط ماهو بـمزحـوم ؟؟
واقول للهاجوس .. سمعـآ وطاعـه ؟؟
من غبت حآفظ لك وسط جوفي البـوم
مآ آغير آقلب بالصور . . . كل ساعه
وجهك على جـدار المعاليـق مرسـوم
عين المهاه .. وخـد يبـرق شعاعـه
عز الله ان النـآس معطـى ومحـروم
فلان شآري فـلان وفـلان .. بآعـه
غدآ بك الوقت الردي جعلـه القـوم ؟
والروح عقبك عايشه ... في مجآعـه
غذيتهآ .. دمع وتناهيت .. وهموم ؟ ؟
والقلب لآ غذي مـن الصبـر زآعـه
اي والله احبـك لا ادري وش آلــوم
الوم وصلك ولا الوم .. انقطاعـه ؟ ؟
بآحلفك بالله .. هـو يقبـل السـوم ؟؟
قلب " ما صدق فيك .. هرج الاشاعـه
واحلفـك بالله .. والقلـب مضيـوم ؟؟
متاك تنسى عاشقـك .. وارتياعـه ؟؟
حبك بكوم .. وصدك التالـي بـكـوم
فليت لجروح الليالـي .. شراعـه ؟؟
انا كان ما يجيبك سوى جرح وسهـوم
اجرح ويفـداآك الحشـآ .. والتيآعـه
قصآيدي بآسمك .. سبت كـل مهيـوم
لين فضحتني .. في عيـون الجمآعـه
ياللي توآصل يوم .. وتغيب كم يـوم ؟
غلاك في نقصان .. عقـب ارتفاعـه
سكين غدر الوقت .. قاتـل ومسمـوم
ويالله سترك .. من طعـون البشاعـه
متسحرك قلبي .. ولا فادك بك صـوم
مآ كني موصيـك .. واقـول راآعـه
مابه على دنيا الفنـآ .. حاجـه تـدوم
واكبر دليل .. الحب .. ضعت بضياعه
يا ليل .. وش سرآك في قلب مظلـوم
منت برفيق لـي ولا لـك .. وداعـه
سريت متثبت .. وذا الحيـن منجـوم
وش يرحم المشتآق .. والشوق لاعـه
فـيا من .. تقول ان الحكم دايمـه دوم
وش رايك ان الضد .. يصبح ( قناعه )
ركز معي .. وآسمع مفآهيـم وعلـوم
عشآن تدري كيف حبـك .. الصناعـه
الخبث في الاعدآء .. ما يلحقـه لـوم
والكذب لجل الوصل .. ينهي القطاعـه
وطعم السهر بالحب آحلى مـن النـوم
والذل من فرقـآ المحبـه .. شجآعـه
يعني آكون آغليك .. وآعيش محـروم
احسن من جروحك علي كـل ساعـه

’،

الملكة معجب بهذا

يا من ذبحت المحاني من غلاك الجموح
مرابطك في خفوقي ليه .. خليتها !!
نسيت مفلاك في ضلع الغلا والسفوح
اللي على طارف اضلاعي تخطريتها
فوحت دلة غلاتك .. والمشاعر تفوح
وبن الهوى يحيي الاذهان ويميتها !!
وصبيت لك من بهار الطيب ( فنجال روح )
ونثرت صبة يميني .. يوم مديتها !!
اوجعتني وانت ما تدري .. لو انها مزوح
وفهمت وش مقصدك منها .. وقاسيتها
يا ليت جرح الهوى لحظات عقبه يروح
ما كان نفسي على فرقاك .. حديتها !!
عواصف الحزن هدت من جفاك الطموح
في كلمة (ن) لا وصلت إلها .. تعديتها !!
أسكت الحزن في .. وتنطق العين بوح
حسبي على دمعة لرضاك هليتها !!
خلاص باح العزا لو كان قلبي سموح
يا أول وآخر أماني قد .. تمنيتها !!
الحب ماهو بغصبا !! تبغي تروح روح
ذبلت ورود المشاعر وأنت ما اسقيتها
قد قلت لك .. والقسى في عين صدك يلوح
حدك معك بالجفا .. وما كنك اوحيتها !!
مبدا المحبه غرام ومنتهاها جروح !!
هي هكذا .. تجربتها .. يوم عانيتها !!
ما كنك اللي عرفته !! يا الغزال الذبوح
حيرتني باربع اشياء .. ما تهقويتها
( حبك / وداعي غلاك / وغيرتك / والوضوح
ماتت من الحزن ولا وين وديتها !! )
ان رحت عنك تجي .. وان جيت يمك تروح
يا تنهي المسأله ولا ترى انهيتها !!
كرامتي مالها .. إلا استاذنك بالنزوح
فإجمع خطايا الغرام .. وشب كبريتها

الملكة معجب بهذا

بافارقك .. لو كان ما اخترك فرقاك
بافارقك .. وآنا فرجوى وصالك

البعد لو به خير ما كان خلاك ؟؟
تقطع من عيون المحب اتصالك

ما اكثرك فالصده وفالوصل ما اشواك
الكبر لله .. ( لا يغرك جمالك ) !!

خليتني للبعد .. والبعد قساك
خلاك تنسى واحد" قد وفا لك ؟؟

سليت سيف الهجر ؟؟ كني من اعداك
وذبحت شوق الروح شاللي جرى لك

العام ما تصعب الى قلت بلقاك
واليوم من دون المواصيل هالك ؟؟

منت بردي .. حسبي على الوقت رداك
غير صفاك / وطيبتك / واعتدالك

حاولت نسيانك .. وعييت لا انساك ؟؟
لا جيت ابنسى .. ذيب صدري عوى لك

لو انك بترجع كثر ما آتمناك ؟؟
ما كان ذا حالي .. ولا ذا بحالك ؟؟

كثر الجفا وآنا أستغفر الله اشراك
حبك كفر بي .. لعنبو من صفا لك

خذاك مني البعد ما عاد بقاك ؟؟
لكن على قول المثل مش حالك

تدري وش اللي يقتل الشوق يا ذاك
لاني بولد عمك ولا ولد خالك ؟؟

الشوق برد .. ودافي الوصل لقياك
وثلج الجفا خرب طريق اللقا لك

علمتني حبك .. وعلمني انساك ؟؟
لو كان من دنياي .. مابه بدالك
تبغي تضيق خاطري جعله فداك ؟؟

مهوب انا اللي يعاتبك في حلالك

طلبتني قلبي وانا قلت لك .. جاك
والحين سو بخافقي ما بدا لك ؟؟

المهره الاصيله
عساك على القوه يالطيبه
شاكرين لك وجودك ومجهودك الجميل
مروري وتقديري لاهنتي
دمتي بخير

مهوره
يعطيك العافيه يالغلا
دائماً رائعه ومميزه بمواضيعك
ان شاء الله نشوف تفاعل رواسينا وتواجدهم
شاكره لك وجودك ومجهودك
تقديري لك
النجلاء

،, يآرب عَبْدَكَ عآصي وَكُلَّه ذُنُوبَ ماشاف مِنْ دنيآه الا ظَلاَّمَهُ شَفَتْ الْفِتَنُ تَسْطُو ع النَّفَسَ مِنْ صَوْبِ وَشَفَتْ الْهُدى دَرْبَ وَاُحْبُ اِلْتِزَامَهُ وابليس مِنْ بَيْنَِي وَمِنْ بَيْنَه حُروبَ عُقَبُ الاذآن وَقَبْلَ رَفْعَ الاقآمه اُرْجِيكَ يآربٍ برحماك مَطْلُوبَ تَغْفَرُ لَمِنْ يُرَفِّعُ يَدِيهُ بقيآمه اضيق وَالْخَافِقَ مِنْ الْهَمِّ مَشْبُوبَ شَبَّةُ حَطَبِ بَدْوٍ عشآهم كرأمه واعصآك ماهو بِقَصْدِ وَأَعُودُ وَتَنُوبُ لوعآتي وَيَبْقَى بِصَدْرِيِ علآمه وَاُنْتُ الْغَفُورَ وَعَبْدَكَ الْيَوْمَ متعوب ذَنْبُهُ كَسْرَ ظُهْرِهُ وَاِنْهَكْ عظآمه للمهتدين دُرُوبَ وللعآصي دُرُوبَ يارب ثَبِّتِنَّي ع الاستقآمه النآس قآلو كُلَّ مَمْنُوعَ مَرْغُوبِ وابليس مِنْ يُقَدِّرُ يَجُودُ خطآمه كُلَّ يَوْمَ اقول اِسْتَغْفَرَ اللهُ وابآتوب وآخآف قَبْلَ آتوب تآتي الندآمه الْقُلَّبُ غآوي والآمل وَجِهَ مشحوب وَالصَّبِرُ مفتآح الْفُرُجَ والسلآمه دنيآ تَدُورُ وكلهآ نَقْصَ وَعُيُوبَ وَالضَّيْقُ فِي وَجْهِ المشآريه شآمه كُلَّ شِي فِي الدنيآ مُقَدَّرَ وَمَكْتُوبَ غمآمة تَمَطُّرَ وَتُبْرِقُ غمآمه مدآم مابه حَدَّ لِلْعُمَرِ مَحْسُوبَ وَالْمَوْتُ للإنسآن آخر ختآمه تَكْفينُ ي الدنيآ تُخْلِينَي آتوب خآيف مِنْ اللهِ قَبْلَ يَوْمِ القيآمه يآآرب