صدى فرصه سعيده

ماجد لي اليكموه احبتي

يامرحبا ترحيب حاتم بمن جاه=صوت ابو بندر ريف قلبي وعيده
حتى لو انه شال فكري ووداه=تصخير اديب الشعر ما ادري عميده
قافه شعا قلبي بسبكه ومعناه=وعصرٍ مضى لي منه قمت استعيده
وهجسي ينوض ولا يباها تعداه=مثل الكريم اللي مصفر رصيده
مضيوف ماوده تشمت به اعداه =وحاول وحاول ما طلع شي بيده
ومن ما وجد رحب بضيفه وغداه=ومعذور من حط القرى من وجيده
سبع ليال وقلت يالقرم وجداه=وش قول اجل من له ليالي عديده
حذفة عصا داره لو ينادي اوحاه=لاشك دون وصاله اشيا نكيده
ترفٍ لو يشاهد محمد محياه=في نجد قال انا اشهد انك وحيده
وبصم بعشر اني فلا شفت حلياه=في قده وخده وعينه وجيده

آلله آلله
ياسلام عليك يابو عبيد
وصح الله لسانك مليار في مليار
صدى ولا اروع ومافيك حيله ياشاعرنا
دام ابداعك ووجودك المشرف
تقديري لسموك
النجلاء

صح السانك يالذيب ولا عليك زود
وابو بندر يستاهل الطيب والمديح
قصيده تكتب على بيارق الشعر
لاهنت وسلمت على هالابيات الجزله
يَ المجرم :)

صح السانك ابوعبيد رد وافي
وكلن علية من زمانة ماعليها مستريح صحت السنتكم
وافين وممتعين وعساكم على القوة سعدت من خلال مروري من هنا
دمت ودام نبضك

الله الله
ابو عبيد
صح لسانك مليون ولا يسدون
مبدع وجزل ووافي يالوافي
لاهنت على المجاراه
دمت بخير وسعاده
ولك ختم التميز

وبصـم بعشـر انـي فــلا شـفـت حلـيـاه

فـــــي قـــــده وخـــــده وعـيــنــه وجــيـــده

أبدعت يابو عبيد صح لسانك واعتلى شانك

لاهنت,,,,,

صح لسانك واعتلا شانك~
ابيات في قمه الروعه والجزاله ~
ودي وتقديري ~

النجلاء صح الله بدنك ولاهنتي ودمتي وسلمتي
والروعه حضورك ومتابعتك تحياتي لكي