مسري الهمل

عزي لقلبن واهج الشوق سرااه
مسري الهمل في ليلتن مدلهمه
قامت قنوف الود تبررق وتشعاه
من كل صوب وكل وجهه ويمه
وطرفن يهل الدمع والنوم جافاه
وصدرن يضيق وضاق من جور همه
والحال كن اللي بري القوس يبراه
جور الليالي داااه والوقت سمه
والصاحب اللي طال بعده وفرقااه
زود علي المشتاق حزنه وغمه
ما يدري انه كل يوم يتحراااه
قد عامه الرابع يقارب متمه
مدري البطا من غير شفه ومشهاه
ولا البطا من ثقل نفسه ودمه
ولا بقطع الوصل صارت نواياه
ولا عاد له فينا اموورن تهمه
ياللي تمره بلغه يوم تلقاه
كانه يحس وبه ضميرن وذمه
بان عاد لي شفن بطلة محياه
لله كتب ويااااه جمعه ولمه
وان كان ماهو يمنا لاعدمناه
قله تري ما عاد حنا بيمه
ما نطرد المقفي ولا نتبع خطاه
نرقي بعزتنا علي كل قمه
خله يروح وروحة مقيط ورشاه
يومه هفي في وسط بيرن وجمه
حمد بن سايمه

حمد بن سايمه
الله الله
ابداع وجزاله
صح لسانك ملايين

مبدع ورائع دوما
لاهنت يااخوي
يعطيك الف عافيه
لك اجمل التحايا
المهره الاصيله

صح صح لسانك يابن سايمه
ابدعت وامتعت ولانستغرب على شاعرنا الابداع والامتعاع وفخامة الحضور
دمت ودام مداد قلمك ورقي حرفك الشامخ
تقديري وتقييمي لسموك
النجلاء

حمد بن سايمه
صح صح لسانك مليوون ولا يسدوون
نص فاخر وجميل جداً يستحق ختم التميز
سجل مروري وتقديري
لاهنت

ابن سايمه نص فاخر بالحيل
صح الله لسانك ولا فض فوك
لاهنت وبيض الله وجهك

يا مرحبا بكم جميع وصح الله ابدانكم تشرفني مرروركم الله يعطيكم العافيه ومنكم نستمد الجزاله والابداع عسی الله يجملني معكم والمنتدی يشهد الله انه بدون مجامله بأعضاءه جميع ايستحقون ويستاهلون اكثر

صح السانك شاعرنا المميز
نص فاخر فاخر بالحيل اعجبني في مضمونة وبناءة
له مذاق خاص ويستحق التميز اخي الكريم ومهما قلت من ثناء لن اوفيك حقك
طبت وطاب الشعر بوجودك وعساك على القوة ارويتني شعرا هذى المساء من الاعماق اشكرك
اجمل تحية

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه