مصيرها تبرى الجروح العميقه

الله من همٍ معي وين ماروح= ماغير أكنّه عن عيون الخليقه
أضحك وأنا مهموم والقلب مجروح= وأدوّر المخراج بأية طريقه
مثلي مثل طيرغدا اليوم مطروح= حطو مسابيقٍ عن الجو تعيقه
وليا كفخ مع غفلة الناس مسموح= حد الحبال اللي برجله عليقه
من عقب ماياتي مع الجو ويروح= مع الفضا الواسع تفاجا بضيقه
البارحه غنيت والصوت مبحوح= جرحي وتر ودموع عيني مسيقه
ياللي نهارالسبت بيدينك تلوح= خليتني بين الوهم والحقيقه
ألين شفت الدمع من عينك سفوح= وخطاك تقصرها ورجلك طليقه
حاولت أقاوم لحظة البعد وأروح = ولايمشي الضميان لاجف ريقه
وقفت قدم الخلق واضح ومفضوح= وأهداب عيني في دموعي غريقه
مقدر أكن جروح قلبي ولابوح= والصدر فيه من اللواهب حريقه
ليت الوداع المر ماكان مشفوح= ووادعه مثل الصديق لصديقه
لكن على الله يازمن كل مانوح= مصيرها تبرى الجروح العميقه

لكن على الله يازمن كـل مانـوح = مصيرها تبرى الجروح العميقـه

ياسلااااام

يوسف

قد لايفي الوصف هذه الشامخه

وقد لاتفي الكلمات روعة ماأوجدته هنا

فالروعة سكبة

والشموخ دون

هنا

صح قلبك وكلك يايوسف

ودام بوحك بكل خير ومعزه

يوسف الغنامي صح لسانك

وصح شعرك وصح عمرك

والله مدري وش اقول

لاكن قصيده جزله من شاعر جزل

تقبل مروري

صـــــــــــــــح لسانك اخوي يوسف على الابداع

الله يعطيك العافيه على هذه الرائعه

تقبل تحياتي

الله الله

ابيات اكثر من رائعه

صح لسانك

دمت مبدعا كما انت

يوسف

صح لسانك مدد بلا عدد

شقول وش اخلي لله درك ومافيك حيله

تقبل مروري المتواضع......

يوسف عبدالله الغنامي

مثلي مثل طيرغدا اليوم مطروح= حطو مسابيقٍ عن الجو تعيقه
وليا كفخ مع غفلة الناس مسموح= حد الحبال اللي برجله عليقه

الله
الله

تشبيه أكثر من رائع





يوسف عبدالله الغنامي

البارحه غنيت والصوت مبحوح= جرحي وتر ودموع عيني مسيقه

صدر البيت وصف حالة بطريقة جميلة جدا
وفي عجز البيت تشبيه في غاية الجمال !







يوسف عبدالله الغنامي

ليت الوداع المر ماكان مشفوح= ووادعه مثل الصديق لصديقه
لكن على الله يازمن كل مانوح= مصيرها تبرى الجروح العميقه

الله يبرئ كل الجروح العميقة يا يوسف

الشاعر العذب
يوسف عبدالله الغنامي



صح لسانك
وقصيدة نستطيع تسميتها
قصيدة : ((( المعاناة )))




ننتظر جديدك بشغف



لك
ود و ورد




صادق الإحساس

حاولت أقاوم لحظة البعـد وأروح
ولايمشي الضميان لاجـف ريقـه
وقفت قدم الخلق واضح ومفضوح
وأهداب عيني في دموعي غريقـه
مقدر أكن جروح قلبـي ولابـوح
والصدر فيه من اللواهب حريقـه





الشاعر يوسف الغنامي





استمتعت بقراءة نصك الجميل



فوجدت التمكن والجزاله والابداع



صح لسانك وقلبك





تحياتي وتقديري