سيد الغنادير

لا تمادي في هجر من يحبك من زمان=دام تدري بانه يهوااك بادر باالغلا
اطلق حجاجك بوجهه وبادله الحنااان=وان لفي قل مرحبا بك هلا يا مسهلا
خله يشعر في حضورك وقربك بالأما=لا تحقره دامه اللي من الحب ابتلا
وانت ياللي طال هجرك علينا بالهوان=منك ماالنفس استراحت ولا الخاطر سلا
انت غالي لكن ان فيك طيش وعنفوان =وقلبك اللي بالتغلي تعبي وامتلا
ادري انك سيد كل الغنادير الزيان=وادري انك حشت كل المحاسن والحلا
وادري انك بالمحافل تسيدت المكان=في حضورك كلن يغار ويجيه البلا
كنهم حولك تهاووا وصاروا في طمان=وانت عودك مع عليهم تفرع واعتلاا
مهرتن يلعب رسنها ولزت بالعنان=مع بنات الريح تشنع وتلعب بالخلا
راعني تكفي فديتك وخذ مني الامان=والله ما اساوم بحبك وربي لا ولا

حمد بن سايمه

آلله آلله
ياسلام عليك يابن سايمه
وصح الله لسانك يالجزل
كايفه ونايفه وعذبه من شاعر مبدع
دمت ودام مداد قلمك ورقي حرفك الفاخر
تقديري وتقييمي لسموك
النجلاء

الله الله
حمد بن سايمه
صح لسانك مليون ولا يسدون
نص فاخر وجزل من شاعر جزل
سجل اعاجبي وتقديري
ولك اجمل تحيه

صح لسانك ابيات معبره و رااقية .. يعطيك العافية ..

صح لسانك يا حمد بن سايمة
عسى حـروفك بالشعـر دايمة

راعني تكفي فديتـك وخـذ منـي الامـان .. والله مـــا اســـاوم بـحـبـك وربـــي لا ولا


سلمت يمينك

حمد بن سايمه
صح لسانك وسلم احساسك العذب
نص جميل وفخم
مبدع وجزل موغريبه عليك الابداع
يعطيك العافيه اخوي
احترامي لك

اشكر كل من شرفني بمروره الطيب وجعلكم ذخر لا خلا ولا عدم

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه