وداعـة الله

وداعـة الله وداعـة الله مابـقـى للـغـلا روح وش حيلتي والعشق ينـزف وريـده سامح حبيبك وانت معفي ومسمـوح لكـن طلبتـك تسمـع اخـر قصيـده قصيدة(ن) خذها على شيـك مفتـوح من واحد(ن) ماقد نشد عـن رصيـده فقير مـال ولكـن انـه غنـي روح ويملـك مفاتيـح الحيـاه السعـيـده لـو ان قلبـه لاخفـق كلـه جـروح ولاهو من اصحـاب القلـوب البليـده يحزن لحزن الناس ويسـج وينـوح ويفرح لكل النـاس لـو هـي بعيـده ومن منطلق سـر العلاقـات والبـوح بعلمـك شـي(ن) عسـى تستفـيـده يمكن تمرك ساعة الضيـق وتـروح وتقـول عـدت والليـالـي مـديـده وانـا اقـزر ضيقـة فراقـك مـزوح هذي سنـه والعلـم عييـت اصيـده عقبك قصيدي يسجعه نايـح الـدوح وعقبـك تـرى ماللشرايـد شريـده وعقبك لو اخفي ضيقة الصدر مفضوح كلـه لعيـنـك يالمـهـاة الفـريـده مضرم عليك ودلـة وصالـك تفـوح فـي جنبهـا جمـر وتحتهـا وقيـده والحين تبغى الوصل والا تبـا تـروح بعد سمعـت اغلـى واخـر قصيـده

صح الله لسان شاعرها
وتسلم يمينك وذوقك يالمهره على نقلها لنا
تقديري لك
النجلاء

الله الله
المهره الاصيله
صاحبة الذوق الجميل
صح عليك وصح لسان شاعرها
اعتقد انها لابن مريبد
مروري وتقديري

صح لسانك ي المهره
ابيات في قمة الروعه
اشكرك ع مجهودك المذهل

الله الله

يسلم ويدوم ذوقك الرائع يالاصيله

دمتي بود وخير

يسعد قلبك المهره
وصح كلك ودام نقلك الراقي

وداعـة الله مابـقـى للـغـلا روح
وش حيلتي والعشق ينـزف وريـده
سامح حبيبك وانت معفي ومسمـوح
لكـن طلبتـك تسمـع اخـر قصيـده

^^

المهرة الأصيلة

ذائقة تنم عن شاعرية فذة .. شكرا لك إمتاعنا بهذه القصيدة الجميلة

تحياتي وتقديري

الله الله
انتقاء ف غايةة الروعةة
لاتحرميناا من جديد ابداعك
لـ روحك ورد الجوري