الانسكاب

مجاراتي لأخي شاعرنا / عبدالرحمن العتيبي

http://www.slateen.com/vb/showthread.php?t=8258

ارجو ان تروق له ولكم :

هيضني الصوت الشّجي وأدخلت رجلي ب الرّكاب = وشعبت هاجوس الحصان اللي ينومس مَركبه
الذيب لامنّه عوى لازم يحصّل له جواب = وانا لزوم اجاوبه ساعة عجبني مذهبه
ياصاحبي لافاض كاس الحب زاد الانسكاب = ومن طبّ في سوق الهوى لازم حزامه يكربه
والحب مشكلته ترى مافيه ذلّه وانسحاب = لو شفت شيءٍ ما طرى في بالك انك تحسبه
من لدّ عينه بالغزل ف عيون تلعات الرقاب = ماعاد يدري وش خسارة موقفه من مكسبه
ومن طق باب الحب , قدمه ينفتح سبعين باب = ولكل بابٍ مأكله , ولكل بابٍ مشربه
امرّهن باب السهر , و الذّهن باب العتاب = وأشرّهن باب الخيانه , لاتفكّر تقربه
ولاتتبع الواطين خلّك بالسماء عالي جناب = ولاتستمع فاللي يقول ان اعذب الشعر اكذبه
و إن لم تكن ذئباً تعشّتك الحصَاني والكلاب = و إمعافر الدنيا يبي صبر , وذكاء , و هندبه

. الله الله عليك ي عبد الله بن طلال صح لسانك واعتلا شانك .. ابيات في قمه الروعه والجزاله .. وفعلا اللي اذا ماكنت ذئب ...... لا تعليق. !!

ودي وتقديري لبوحك العذب ..

صح الله لسانك ملايين يابو مشعل
مجارآه كايفه وجزله من شاعر جزل
وكان ودنا انك ضميت الصوت لصدى حتى تكتمل المتعه للقارئ
تقديري وتقييمي لسموك
النجلاء

الله الله
ابو مشعل
صح لسانك مليوون
نص فاخر وجزل
مروري واعجابي

ياصاحـبـي لافـــاض كـــاس الـحــب زاد الانـسـكـاب
ومـن طـبّ فــي ســوق الـهـوى لازم حـزامـه يكـربـه
والـحــب مشـكـلـتـه تــــرى مـافـيــه ذلّــــه وانـسـحــاب
لـو شفـت شـيءٍ مـا طـرى فـي بالـك انــك تحسـبـه

ابو مشعل
صح الله السانك واعلى شانك
فعلا اللي يحب عمره ما يكره وهذي دلاله للقلب المحب الحنون المسامح مثل قلبك الرائع
سجل اعجابي وتقبل الورد
ابو احمد

عبدالله بن طلال
صح لسانك واعتلا شانك
ابيات جميله وجزله
مبدع الله لايضرك
تحياتي لك
دمت بخير

.
.
مـن*لـدّ*عينـه*بالغـزل*ف*عيـون*تلعـات*الرقـاب //
ماعـاد*يـدري*وش*خسـارة*موقفـه*مـن*مكسبـه


البيت هذا يابومشعل يُدرّس في معناه ..
حضورك بالشعر تحترمه الذوائق ..
صح فكرك وحرفك

وسلملي عليك
.
.

.








الله عليك
صح لـ سانك مليون ولاهنت
ابيات جميله ...
لاحرمناك



.