ساعة صفر

ساعة صفر نومي دقت وخاطري ما طاب=تقل ودي بشيٍ ما اعرفه وفي بالي
يسوي خيالي دون عرفه ستر وحجاب=ما ادري صدق والا حلم ليل يتهيالي
اي والله ذكرت!! اثري متلفن وهو ما اجاب=حسيبي على شيطانه وعزي لحالي
كلامه عسل في در بكرٍ بطاسه ذاب=من ذاقه وسمعه قال منطوق ذا حالي
اعذابه تكاشف لو بلج عنهن العناب=تشوف القمر جالس معك والقمر عالي
شبهته ببدر النصف واقول انا كذاب=اثر البدر هو من يشبه لطلة الغالي
اقول لخلي القلب لوفي جنوني عاب=من صغري مولع في مقامه ولا ازالي

الله الله
صح لسانك واعتلا شانك يابو عبيد
جزله ورائعه من شاعر جزل
مروري يسبقه اعجابي
الله لايهينك

صح الله لسانك يابو عبيد
جزل ومافيك حيله ياشاعرنا
كما تعودنا من سموك الابداع والامتاع والحضور المميز
دمت ودام مداد قلمك ورقي حرفك الفاخر
تقديري لك
النجلاء

ابو بندر صح بدنك ودمت وسلمت وبيض الله وجهك
النجلا صح بدنك ولاهنتي ودمتي وبيض الله وجهك
تحياتي واحتراماتي

ابو عبيد

صح الله السانك واعلى شانك
جزله من راس جزل تقبل الورد
ابو احمد

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

صح لسانك وعلا شانك
رائع هو بووحك ابدعت في نسج كلماتك
وسحرتنا بابداع حرووفك
كلمات في قمة الابداع والجمال
مرووري وتقديري لرووحك

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير