وحيد الغرام

السلام عليكم ورحمة الله وبركاته

اسعد الله مساء الجميع بالنور والسرور
وللتواصل خالص الود

+

انتي أبـد دون خلـق الله تجافينـي=وانا وحيد الغـرام وفيـك ولهانـي
اسهر ليالي غدت من حرّ ما فينـي=وأحسب نجوم السما واشكي لخلاني
قلبي على شوفتك بالليـل شاقينـي=والنوم ما ذوق طعمه دوم طفشاني
أزعجت في مجلسي ناس ٍ تحاكيني=أسرح ولا هوب كره له وحقرانـي
يا ما تخيّلت صوتـك لـي ينادينـي=وأفز له واقـف ٍ والعقـل هيمانـي
شحيت في شوفتي لك يا منى عيني=وانا جريح الهوى هايـم وحيرانـي
مقدر اعيش الغرام اللـي يدانينـي=ما بين شوق و وله بهموم وأحزاني
ما غير حبـك بقلبـي لا تلومينـي=ولو الغلا لي بقلبـك زال حرمانـي
مقدر اعاف الهوى ومثلك يراعيني=وان كان ابنسى هواك أكون غلطاني
والله تعبت وتعـب قلبـي يخلّينـي=وشكيت درب ٍ بضيم وهجر مليانـي
مادام طيفك وصوتك هـم براهينـي=بيّنت لك يا غلا وش كثر عطشانـي
مني رسالة وفا ولهـان تسقينـي=من سلسبيل الهوى مادام طوفانـي
انتي وحيده وغيرك مـا تواسينـي=وانتي بقلبي ولا غيرك به انسانـي

سامي احمد الدحيلان

سامي
صح الله لسانك ملايين
ابدعت وامتعت بهذه الرائعه
دمت ودام مداد قلمك ورقي حرفك
تقديري لك
النجلاء

صح لساانك يابو احمد
تقديري وتريلة ورد وتريلة ند وعود كنبودي

الله الله
سامي احمد
صح لسانك مليون ولايكفون
مبدع وجزل وعذب
نص فاخر وجزل
دمت بخير وسعاده

سامي احمد
صح لسانك يالذيب
ابيات جزله ورائعه
يعطيك العافيه
تقبل مروري واعجابي
دمت بخير

صح لسانك وسلم منطوقك
استمتعت بتواجدي بمتصفحك
دمت بخير وسعاده دائمه

صح لسانك ياشاعرنا
ابدعت بقصائدك الجزله وبحضورك الطاغي بالمتعه والفخامه
دمت بود وتقدير

فيضَ مَنَ الجَمــالْ الَذي سكبتهْ تِلَكَ الَـأنــاملْ الَاَلمَــاَسيَةَ*
يعطَيكـً العآفيةة ولـآحرَمنآ منَكـً بإنتظَآرَجَديِدكًـ بشغفَ*
~***~