مصافحتي الأولى لشعراء هذا المنتدى الشامخ ((أبيات متواضعه))

اقتبست هذه الأبيات من موضوعي الأول في قسم الترحيب وهي المصافحة الأولى لشعراءنا الكبار

قلب الشمالي يدفعه دافع الشوق

لاهل الوفا وأهل القلوب الوفيّه



ما جيتكم عاشق ولا جيت معشوق

ياكود تقدير الخويّ لخويّه



لاهل الشعر عندي مواجيب وحقوق

ومنّي لضبّاط القوافي تحيّه



طاروق جزل الطرق عن كل طاروق

تشدّني فيه البيوت القويّه



ومن كان له بالقاف والقافيه ذوق

يلقاه في شِـعِّار نجد العذيّه



على النبا يرقون في شعرهم فوق

مرقاب راس طويق ولاّ طميّه



واليا اختفنّ القور عن ناظر الموق

شامخ رواسي نجد ماهي خفيّه






(( إهــداء متـــواضـــع لأعـــضاء وشـعراء شبــكة رواســي نجــد الأدبيــة ))



بقـــلـــم : أبــــو ســـيـــف الشـــمـــالـــي

[/size]

الله الله
ياسلام عليك وصح الله لسانك ياسيف
جزل وطاروقك جزل وكايف ومصافحه راقيه بكل معانيها
دمت ودام مداد قلمك ورقي حرفك الشامخ
تقديري لسموك
النجلاء

ابو سيف
صح لسانك واعتلا شانك
ابيات روعه وجميله
يعطيك الف عافيه
تقبل مروري واحترامي
دمت بخير

ابو سيف
صح لسانك وعلا شانك
رائع هو بووحك ابدعت في نسج كلماتك
وسحرتنا بابداع حرووفك
كلمات في قمة الابداع والجمال
مرووري وتقديري لرووحك

الله الله

ابو سيف

صح لسانك مليون ولا يكفون

جزل ومبدع الله لايظرك

اسعدني المرور من خلال متصفحك الثري بالفخامه

سجل مرور اخوك واعجابي

ولك اجمل تحيه

ابو سيف
اسمع مني بقولك شي مافيه مجامله
انت جزل وقولك جزل وبيض الله وجهك وصح قلبك وكلك

اقتباس:

المشاركة الأصلية كتبت بواسطة النجلاء

الله الله
ياسلام عليك وصح الله لسانك ياسيف
جزل وطاروقك جزل وكايف ومصافحه راقيه بكل معانيها
دمت ودام مداد قلمك ورقي حرفك الشامخ
تقديري لسموك
النجلاء

صــح بــدنــك تــشــرّفــت بــمــرورك

اقتباس:

المشاركة الأصلية كتبت بواسطة المهره الاصيله

ابو سيف
صح لسانك واعتلا شانك
ابيات روعه وجميله
يعطيك الف عافيه
تقبل مروري واحترامي
دمت بخير

..

صح بدنك يالمهرة مرورك هو الأروع