الفراق

ما يوسع خاطري العمس ويعدل المزااج
لي غدي في الصدر ضيقه وبالجو كتمه

غير غرون طلته تبهج الصدر انبهاااج
ما تساااوي عند مثلي وجووده وعدمه

اشهد ان شوفته بلسم جروحي والعلاج
لي بدي لي زوله وصرت بالشوف اجهمه

اتلعن من شاف حسنه غدي فيه ارتجاج
كاملن بالوصف من حد راسه لقدمه

بينه وبين الحلاوه تداخل واندمااااج
الحلااا والزين يجري معه مجري دمه

العيون الدعج والرمش ضافي والحجااج
والخشم نازي وشب الجمر في مبسمه

شبه ظبين من بلي قانصه صابه هجاج
ذاار من توه بعيد وعجز لا يلزمه

صاب حالي من غيابه متاعب وانزعااج
طال بعده والحزن ناش قلبي بسهمه

افزعو لي يا هل الخير ضاقت بي الفجاج
دنيتي عقبه كئيبه وشمسي مظلمه

....

حمد بن سايمه

آنتقآء رآئع
وكلمآت جميلة لشآعر رآئع
آلله يعطيـــگ آلــ عَ ـآفيـ هْ
شوقي لـ ج ــديدگ آلقــآدم

مشكوره والله يعطيك العافيه

الله الله
ياسلام يابن سايمه
صح الله لسانك ملايين
كايفه ونايفه وجزله ولا نستغرب من شاعرنا الابداع والامتاع والحضور المميز
دمت ودام مداد قلمك ورقي حرفك
تقديري وتقييمي لسموك
النجلاء

الله يسلمك وشهاده اعتز فيها وتقبلي تحياتي

هلا يابن سايمه
صح لسانك ورتفع شانك وبيض الله وجهك على ماقلت

تقديري الابدي المتجدد

الله الله
صح لسانك واعتلا شانك
مبدع وجزل يابن سايمه
سلمت ولاهنت على هالمتغطرسه
مروري وتقديري
لاهنت

ابيات وكلمات جميله

حمد بن سايمه

يسلمو على الطرح الرائع

مشكور