راعي الوفاء

ويننت ياللي صحبتك ما تشووه وتطيب لي بار النديم بنديمه ومن يزهمك بالضيق يلقاك توه وتزبنه لو هو علي اكبر جريمه ضلعن ملاذ من اسفله لي علوه صادق فعول وفي الشدايد صتيمه ازريت من صحبة قليل المروه و كثروا علينا موقدين الضريمه كل احمقن للخبث قلبه ينوووه في مجلسه تلقي الردي والنميمه ومن لا يميز صاحبه من عدووه عايش وسط دنيااه مثل البهيمه ومن ينكر المعروف كثره وشووه ويجحد فعول الطيب مافيه شيمه ماله مع اهل الطيب رفقه وخووه عز الله ان فرقاه اكبر غنيمه و اللي علي ذم الخلايق مفووه يلحق ظهور الناس سب وشتيمه جعله لواطي القاع يحذف بقووه وتصبح عظامه كلبوها هشيمه الطيب طبع اللي ما قد شيف سوه كل ابلجن بالجود كفه كريمه اللي بوجه الضيف تشتب ضووه في مجلسه تلقي النشاما مقيمه تلقي المكارم عند حضرة سموووه نفسه علي فعل الجمايل مهيمه وصلاة ربي عد ما هل نوووه علي الرسول اللي رضع من حليمه حمد بن سايمه

عليه الصلاة والسلام.. حمد بن سايمة ابدعت وامتعت صح لسانك شاعرنا.. دمت بكل خير..

صلى الله على سيدنا محمد
وصح لساانك وبيض الله وجهك جزل وحضورك نوماس
وغيابك يزعلني ياجزل

صح ابدانكم جميع والشرف لي بمروركم الطيب وارحب يا محمد والله العظيم ان ودي ما اغيب عنكم ولكن الظروف الله يكفينا وياكم شر الدنيا وعسی الله يرحم والدينا ووالديكم وتقبلوا تحياتي الجميع

حمد بن سايمه
صح لسانك واعتلا شانك
ابيات جميله وكلها جزاله
يعطيك العافيه اخوي
بانتظار جديدك القادم
تقبل مروري واحترامي لك
المهره الاصيله

صح بدنك والله يعطيك العافيه وتقبلي تحياتي

الله الله

صح الله لسانك ملايين يالجزل
ابدعت وامتعت ب هالفاخره الغير مستغربه من اهل الابداع
والحضور المميز
دمت ودام مداد قلمك ورقي حرفك الشامخ
تقديري لسموك
النجلاء

شكرا والابداع في مروركم الطيب