عبدالله والشاعره ريم

عبدالله بن طلال

يـاريــم انـــا عـدّيــت روس المـراقـيـب = ومـرقـاب خـلّـي فـــي ديـــارن غـريـبـه
مـن دونهـم حاديـنـي الــدّاب والـذيـب = وتـعـبـت وأتـعـبـت الــذلــول النـجـيـبـه
احباب و أغراب وعلى منهج الطيب = رغـم ان فرقـاهـم هــي اكـبـر مصيـبـه
ياريـم مانجهـل عـن السلـم والطّيـب = ايـضـا ولا نـرضــى الـقـهـر والغلـيـبـه
تعـبـت وارسـلـت الـعـرب بالمطالـيـب = وعــــادوا ولاعـيّـنــت مـعـهــم ذهـيـبــه
ولو الهوى يوخذ بروس المشاعيب = يمديـنـي اسـرجــت الـرّمــك للحبـيـبـه
وقالوا لي إختر فالبنات الرعابيب = إجـزم ونلقـى لـك جميلـه وأديـبـه
قلـت اتركونـي ماتفيـد الاطابيـب = ماغيـرهـا للـقـلـب يـوجــد طبـيـبـه
انا نصيبـي يعلمـه عالـم الغيـب = ابـا انتظرهـا لـو صبـري غصيبـه

الشاعره / ريم الفلا

يا ابو طلال الحب ما قيل لي عيـب = و عـنــد المشـاكـيـل البـعـيـده قـريـبــه
ان مـا تعبـت اجـل سوالـفـك اكـاذيـب = ومحشوم عن درب الخطا و المعيبه
الـحـب مـــا يـرحــم طـــوال الاشـانـيـب = ولا حـن مـن تاخـذ مـن العـود طيـبـه
سلوم اهلنا ما تجي الشك و الريب = وحنـا هـل الطالـه والاريــا الصليـبـه
الظـاهـر ان المشكـلـه ف المنـاديـب = والا مــن ابـوهـا عـسـى الله حسيـبـه
بكـره اليـا اخذوهـا عليـه الخطاطيـب = قـام الهـواوي يشتـمـت مــن نصيـبـه
لو للزمن يضحك تصنع و تركيـب = ما طاح من عين المولّـع صحيبـه
وان هابوا اللي يُوصِلون المكاتيب = صــارت حيـاتـه مــن رداهــا رتـيـبـه
اصبر ولا لك عـن هواهـا مجانيـب = لــو تـدفـع ايــام الـسـعـاده ضـريـبـه

عبدالله الصقري معجب بهذا

صوت وصدى
ولا اجمل من ذالك ,’, وصح لسانك ولسان الريم
تقديري لا عدمتك

الله الله
بوح عانق السماء لجماله وروعة حضوره جاء في قالب شعري جميل
حقيقة اجدتو ثنينكم في البناء والمعاني دام نبضكم وصحت السنتكم
سعدت من خلال مروري من هنا طبتم وطاب الشعر من خلال وجودكم
كل الشكر

الله الله

صح لسانك يابو مشعل
وصح لسان الشاعره ريم
صوت وصدى ولا اروع فعلا
مروري يسبقه اعجابي وتقديري

الله الله
صوت وصدى ولا أروع
صح الله لسانك يابو مشعل
وصح الله لسان الشاعره ريم
تقديري لسموك
النجلاء

الله الله عليكم شعراء مميزون قمه الروعه والابداع اجدتم واجزلتم وسلمت الانامل ..
ودي وتقديري لكم .

صح لسانك ياابو مشعل
وصح لسان الريم
صدى وصوت روعه
لاهنتوا
يعطيكم العافيه
تحياتي واحترامي لكم

الله الله صوت وصدي
صح لسانك يا ابو مشعل
وصح لسان الريم
ابيات جزله
تحياتي لكم
اخوكم حمد اليامي